ئینگلتەرا
کۆتینیۆ تووشی پێکانێکی قورس بوو
یاریگا
فیلیپ کۆتینیۆ یاریزانی بەڕازیلی یانەی ئاستۆن ڤیلا لە یاریی یانەکەی بەرامبەر ئێڤەرتۆن تووشی پێکانێکی قورس بوو و بەم هۆیەوە نەیتوانی لە یاریکردن بەردەوام بێت.
ئاستۆن ڤیلا لە گەڕی دووەمی پرێمەرلیگ میوانداری ئێڤەرتۆنی کرد، لەو یارییە فلیپ کۆتینیۆ لە خولەکی 64 بەشداری یارییەکەی کرد، بەڵام لە خولەکی 86 بەهۆی بەرکەوتنی لەگەڵ جەیمس گارنەر یاریزانی بەرامبەر، تووشی پێکانێکی قورس بوو بەم هۆیەوە یاریگای جێهێشت.
سەرچاوەکانی نزیک لە یانەکە بڵاویان کردووەتەوە، پێکانەکەی کۆتینیۆ قورسە و لەوانەیە ماوەیەکی زۆر لە یاریگاکان دوور بکەوێتەوە و بڕیاریشە لە چەند رۆژی داهاتوو دوای ئەنجامدانی پشکنینی پزیشکی، چارەنوسی یەکلایی بکرێتەوە.
