یاریگا
ئەلێکساندەر میترۆڤیچ، ئەو هێرشبەرە سربییەی فشاری خستە سەر فولهام بۆ گواستنەوەی بۆ یانەی هیلالی سعودی، دواجار گەیشتە ئامانجەکەی و پەیوەندی بە یانە سعودیەکەوە کرد.
ماڵپەری فەرمی یانەی فولهامی ئینگڵتەرا بڵاویکردەوە، هێرشبەری سڕبی یانەکەیان پەیوەندی بە یانەی هیلالی سعودی کرد و ریکۆردی ئەو یانەیەی لە بازاڕی گواستنەوە تۆمار کرد.
سەرچاوەکە هیچ ئاماژەیەکی بە تێچووی گواستنەوەکە نەکردووە، بەڵام فابریزیۆ رۆمانۆ بڵاویکردووەتەوە، مێترۆڤیچ بەرامبەر 55 ملیۆن پاوەند پەیوەندی بە یانە سعودیەکە کردووە.
سەرچاوە نافەرمیەکان بڵاویشیان کردووەتەوە، گرێبەستی مێترۆڤیچ لەگەڵ هیلال بۆ ماوەی سێ وەرز دەبێت و بۆ هەر وەرزێکیش 20 ملیۆن یۆرۆ وەکو مووچەی پێدەدرێت.
