فەرمی: مایكل ئۆلیس گرێبەستەكەی لەگەڵ كریستاڵ پاڵاس نوێكردەوە
یاریگا –
یانەی كریستاڵ پاڵاسی ئینگلیزی گرێبەستی مایكل ئۆلیسی ئەستێرەی یانەكەی بۆ ماوەیەكی درێژ نوێ كردەوە.
زۆربەی سەرچاوە باوەڕپێكراوەكان لە نێویاندا فابریزیۆ رۆمانۆ و دەیڤد ئۆرنشتاین ئاماژەیان بەوە كرد كە چێڵسی بڕی هەڵوەشاندنەوەی گرێبەستەكەی مایكل ئۆلیسی كە بەهاكەی 35 ملیۆن پاوەندە داوە و لە گواستنەوەكانی هاوینەدا یاریزانەكە پەیوەندی بە چێڵسیەوە دەكات.
یاریزانەكە لە بازاڕی گواستنەوەی هاوینەدا لەلایەن چەندین یانەی گەورەی ئەوروپاوە گرنگی پێدەدرا لە نێویاندا چێڵسی و مانچێستەر سیتی.
— Crystal Palace F.C. (@CPFC) August 17, 2023
هەژماری فەرمی كریستاڵ پاڵاس لە تۆڕی كۆمەڵایەتی تویتەر نوێكردنەوەی گرێبەستی ئۆلیسی بۆ ماوەی چوار ساڵ و تا ساڵی 2027 راگەیاند.
دوای نوێكردنەوەی گرێبەستەكەی ستێڤ باریش سەرۆكی كریستاڵ پاڵاس لە هەژماری فەرمی خۆی نووسیویەتی: زۆر خۆشحاڵم کە رایدەگەیەنم کە ئۆلیس بڕیاری داوە داهاتووی خۆی بە یانەی تۆپی پێی کریستاڵ پاڵاسەوە پابەند بکات و پاشنیوەڕۆی ئەمڕۆ گرێبەستێکی نوێی چوار ساڵەی لەگەڵ یانەکەدا واژۆ کردووە.
رۆی هۆدسۆنی راهێنەری پاڵاسیش ووتی: ئەوە خۆشترین هەواڵە كە دەكرێت گوێت لێی بێت، بڕیارەكەی لەلایەن ئۆلیس بووە و دەبێت سوپاسی باریش و فڕێدمان بكەین بۆ ئەو هەوڵە نایابەیان.
"It’s the best possible news we could have. His future here is very bright, and we can help him move very quickly on to another level." 🗣
The boss shares his thoughts on Michael Olise signing a new four-year deal 🙌
— Crystal Palace F.C. (@CPFC) August 17, 2023
وەرزی رابردوو ئۆلیس دوو گۆڵی كرد و 11 گۆڵیشی درووستكرد بۆ یانەكەی.
