پێکانەکەی مێسی تاچەند مەترسیدارە؟
یاریگا –
تاتا مارتینۆ، راهێنەری یانەی ئینتەرمیامی، دەنگۆکانی لەبارەی پێکانەکەی لیۆنێل مێسی بە بێ بنەما وەسفکرد.
بەپێی چەند راپۆرتێکی هەواڵەکانی ئەمەریکا، لیۆنێل مێسی ئەستێرەی ئەرجەنتینی، لەکاتی مەشق و راهێنانەکانی رۆژی دووشەممە لەگەڵ ئینتەرمیامی پاژنەی پێی چەپی توشی پێکان بووە، گومانیش هەیە لەسەر بەشداریکردنی لە یارییەکەی داهاتوودا. بەڵام تاتا مارتینۆ رەتیکردەوە هیچ نیگەرانییەک لەبارەی ئەو ئەستێرەیە هەبێت.
مارتینۆ گوتی:
من بە تەواوی نەمبینی چی روویداوە، بەڵام بە خەیاڵمدا دێت ئەگەر شتێکی جدی بووایە، هەموو یاریزانەکان تووشی شۆک دەبوون و بەو پێیەی هەموویان ئاسایی بوون و نیگەران نەبوون، پێموانییە هیچ شتێکی تایبەت روویدابێت.
¡Cuidado Leo, que vienen las semis! La Pulga se entrena en Inter Miami con la mente puesta en el duelo ante Philadelphia Union por #LeaguesCup2023.
📺 #ESPNenStarPlus pic.twitter.com/6QU2H9aPkq
— SportsCenter (@SC_ESPN) August 14, 2023
کەمتر لە مانگێک بەسەر دەرکەوتنی لیۆنێل مێسی لە ئینتەرمیامی تێدەپەڕێت. لە 5 یاریدا 8 گۆڵی تۆمارکردووە و دەیەوێت ئەم پرۆسەیە لە یارییەکەی بەرامبەر فیلادلفیادا بپارێزێت بۆ ئەوەی تیپەکەی ببێتە پاڵەوانی کۆتایی لیگزکاپ.
ئینتەرمیامی کە لە خوارەوەی ریزبەندی خولی MLSە، دوای ئامادەبوونی مێسی تووشی هیچ شکستێک نەبووە و لە سەرجەم یارییەکانی سەرکەوتنی بەدەستهێناوە. بۆ ئەوەی ئەم تیپە بگاتە یاری کۆتایی جامی پاڵەوانیەتیەکە، دەبێت بەربەستی فیلادلفیا تێپەڕێنێت کە یەکێکە لە تیپە بەهێزەکانی ئەمریکا و بۆ ئەم مەبەستەش پێویستییەکی زۆریان بە تواناکانی مێسی هەیە.
تاتا مارتینۆ پێی وایە تیپەکەی توانای بردنەوەی ناسناوی لیگزکاپی هەیە و دەڵێت: هێزی تیپی رکابەر دەزانین، بەڵام رێز لە خەونەکانیشمان دەگرین و هەوڵدەدەین بۆ بەدەستهێنانی.
