یاریگا –
سێ پاڵەوانیەتی نوێی تۆپی پێ لەسەر ئاستی کیشوەری ئاسیا دەستپێدەکەن.
یەکێتیی تۆپی پێی ئاسیا لە بەیاننامەیەکدا بڵاویکردووەتەوە، لە وەرزی 2024/2025 سێ پاڵەوانیەتی نوێ دەستپێدەکەن، ئەوانیش بریتین لە خولی یانە پاڵەوانەکانی ئاسیا، خولی یانە پاڵەوانەکانی ئاسیا 2 و جامی رکابەری ئاسیایی.
هەروەها یەکێتییەکە دەیەوێت پاڵەوانیەتییەک لەسەر ئاستی خانمانیش رێکبخات و لە ماوەیەکی نزیکدا وردەکارییەکانی ئاشکرا دەکات.
الاتحاد الآسيوي لكرة القدم يعلن عن 3️⃣ مسابقات جديدة للأندية ابتداءً من موسم 2024/25.
دوري أبطال آسيا النخبة
دوري أبطال آسيا 2
كأس التحدي الآسيويكما سيتم الإعلان قريباً عن بطولة دوري أبطال آسيا للسيدات.https://t.co/ASu8Uy8KoP
— دوري أبطال آسيا (@theAFCCL_ar) August 14, 2023
پاڵەوانیەتی خولی یانە پاڵەوانەکانی ئاسیا لە 24 یانە پێکدێت، ئەم پاڵەوانیەتییە بۆ یانەکانی ئاستی یەکەمی ئاسیا دەبێت. لەسەر ئاستی دووەمی یانەکانیش، پاڵەوانیەتی خولی یانە پاڵەوانەکانی ئاسیا 2 دەبێت، لە 32 یانە پێکدێت و بۆ ئاستی سێیەمی یانەکانیش، پاڵەوانیەتییەک بە ناوی جامی کێبڕکێی ئاسیایی رێکدەخرێت و 20 یانە بەشداری تێدا دەکەن.
براوەی خولی یانە پاڵەوانەکانی ئاسیا بڕی 12 ملیۆن دۆلار وەدەگرێت، ئەمەش چوار ملیۆن دۆلار لە خەڵاتی ئێستای پاڵەوانیەتییەکە زیاترە. خاوەن پلەی دووەمیش بڕی شەش ملیۆن دۆلار وەردەگرێت، بە جیاوازی چوار ملیۆن دۆلار لەگەڵ خەڵاتی ئێستا.
یەکێتیی تۆپی پێی ئاسیا، رێکخستنی ئەم جۆرە پاڵەوانیەتیانەی بۆ بەرەوپێشبردنی ئاستی تۆپی پێی ئاسیا گەڕاندەوە.
