نێیمار پەیوەندی بە هیلال کرد
یاریگا –
نێیمار دا سیلڤای بەڕازیلی پەیوەندی بە یانەی هیلالی سعودییەوە کرد.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، نێیمار دا سیلڤای بەڕازیلی و ئەستێرەی پێشووی یانەی پاریس سانجێرمانی فەڕەنسی پەیوەندی بە یانەی هیلالی سعودییەوە کرد.
بەپێی زانیارییەکانی رۆمانۆ، رێککەوتنی نێوان پاریس و هیلال کۆتایی هات و لەسەر هەمووشتێک رێککەوتن، ئەستێرە بەڕازیلییەکە هەر لەم هەفتەیە بەرەو سعودیە گەشت دەکات.
Neymar to Al Hilal, here we go! 🚨🔵🇸🇦
After new huge bid revealed two days ago, documents are now approved by all parties involved.
Ney will travel to Saudi this week.
Two year contract.
Number 🔟.PSG set to receive bit less than €100m fee.
Medical to be completed today. pic.twitter.com/R6zR5glroe
— Fabrizio Romano (@FabrizioRomano) August 14, 2023
گرێبەستی هێرشبەرەکەی سامبا لەگەڵ هیلال بۆ دوو وەرز دەبێت، مووچەی ساڵانەی 160 ملیۆن یۆرۆ دەبێت، کە بۆ دوو وەرز بڕی 320 ملیۆن یۆرۆ وەک مووچە وەردەگرێت.
رۆمانۆ ئاماژەی بەوەش کردووە، لە بەرامبەر دەستبەرداربوون لە نێیمار یانە فەڕەنسییەکە کەمتر لە 100 ملیۆن یۆرۆ وەردەگرێت.
هەمان سەرچاوە ئاماژەی بەوەیش کردووە، نێیماری تەمەن 31 ساڵان هەر ئەمڕۆ پشکنینە پزیشکییەکانی تەواو دەبێت و بووە بە یاریزانێکی نوێی هیلال.
نەیمار تا ئێستا خاوەن ریکۆردی گرانبەهاترین گواستنەوەیە لە مێژووی تۆپی پێدا، کە لە هاوینی 2017 بە بڕی 222 ملیۆن یۆرۆ لە بارسێلۆناوە گواسترایەوە بۆ پاریس سانجێرمان.
