هیلال وادەی پێشکەشکردنی نەیمار دیاری دەکات
یاریگا –
نێیمار دا سیلڤای بەڕازیلی و ئەستێرەی پاریس سانجێرمان گەیشتووەتە رێککەوتنی کۆتایی لەگەڵ هیلالی سعودی.
رۆژنامەی سپۆرت بڵاویکردووەتەوە، نێیمار لە شاری پاریس پشکنینی پزیشکی بۆ دەکرێت ئەمەش وەک ئامادەکارییەک بۆ واژۆکردنی گرێبەستەکەی لەگەڵ هیلالی سعودی و جێهێشتنی سانجێرمان.
بەپێی هەمان سەرچاوە یانە سعودییەکە لە رۆژی چوارشەممەی داهاتوو لە ریازی پایتەخت لە بۆنەیەکی گەورەدا نێیمار پێشکەش بە هاندەرانی دەکات و بە میدیاکانیشی دەناسێنێت.
هەر لەو بارەیەوە رۆژنامەنووس فابریزیۆ رۆمانۆ بڵاویکردووەتەوە، ئەمڕۆ دووشەممە هیلال گرێبەستەکەی نێیمار یەکلایی دەکاتەوە پاش ئەوەی ناوبراو رازیبووە بۆ ماوەی دوو وەرز پەیوەندی بە یانەکە بکات.
Al Hilal are preparing formal documents to be checked on Monday in order to get Neymar Jr deal done 🚨🔵🇧🇷 #Neymar
Player already approved the move, two year contract — lawyers will be on it.
Al Hilal already booked medical tests; waiting for Ney’s camp final green light. pic.twitter.com/EH9VZgeodX
— Fabrizio Romano (@FabrizioRomano) August 14, 2023
هەر بەپێی قسەکانی رۆمانۆ، پارێزەرەکانی ئەستێرە بەڕازیلییەکە سەرقاڵن بە پێداچوونەوەی گرێبەستەکە، هیلالیش کاتی ئەنجامدانی پشکنینی پزیشکی دەستنیشانکردووە.
ئەستێرە بەڕازیلییەکە بۆ ماوەی دوو وەرز و تا هاوینی 2025 یاری بۆ هیلال دەکات، بڕی 160 ملیۆن یۆرۆش وەک مووچەی ساڵانە لە یانە نوێیەکەی وەردەگرێت. کە بۆ دوو ساڵ 320 ملیۆن یۆرۆ دەکات.
