راستی گەڕانەوەی رامۆس بۆ ریال مەدرید چییە؟
یاریگا –
لە دوای تووشبوونی ئیدێر میلیتاو بە پێکانێکی مەترسیدار، ئێستا زۆر باس لە گەڕانەوەی سێرجیۆ رامۆس بۆ ریال مەدرید دەکرێت.
میلیتاو لە یەکەم یاری وەرزی نوێی لالیگا لە بەرامبەر ئاتلێتیک بیلباو، تووشی پێکانی پچڕانی بەستەری ئەژنۆی بوو، بەمەش تا ماوەیەکی درێژ ناتوانێت یاری بکات.
رۆژنامەی موندۆ دیپۆرتیڤۆ بڵاویکردووەتەوە، ناوی رامۆس لە نێو ئەندامانی دەستەی کارگێڕی هێندراوە و باس لە ئەگەرەکانی گواستنەوەی کراوە.
⚪️ Sergio Ramos está sin equipo y el Madrid se plantea acudir al mercado para encontrar un reemplazo de Militao, lesionado para toda la temporadahttps://t.co/xJT2kdrlPq
— Mundo Deportivo (@mundodeportivo) August 13, 2023
رامۆس یاریزانێکی ئازادە، چونکە گرێبەستەکەی لەگەڵ پاریس سانجێرمان بەسەرچووە و ئێستا خۆی مەشقەکانی دەکات.
هەرچەندە لە وەرزی رابردوودا، رامۆس ئاستێکی بەرزی لەگەڵ سانجێرمان پێشکەش کرد، بەڵام لە کۆتاییدا گرێبەستەکەی نوێ نەکردووە و نەگەیشتە رێککەوتن.
گۆنزالێز مارتن لە راپۆرتێکی رۆژنامەی El Debate روونیکردووەتەوە
دەستەی کارگێڕی ریال مەدرید پێی وانییە لەم قۆناخەدا رامۆس ئامانجی ئەوان بێت، چونکە تەمەنی رامۆس 37 ساڵە. سیاسەتی فلۆرێنتینۆ پێرێز لەم رووە زۆر توند، نایەوێت پارە بۆ یاریزانی بە تەمەن خەرج بکات.
لەبارەی شوێنگرەوەی میلیتاو، رۆژنامەنووسەکە نووسیویەتی
یاریزانێکی تیمی کاستییا شوێنی میلیتاو پڕ دەکاتەوە و هەر کاتێک فێرلاند مێندی بگەڕێتەوە یاری کردن، دەیکاتە دڵی بەرگری.
Mira lo que he compartido: El Real Madrid no valora el fichaje de Sergio Ramos y tirará de cantera ante la lesión de Militao @MIUI| https://t.co/oG0UZI0NY8
— Tomás González-Martín (@tgm46) August 14, 2023
پێشثر باس لە بوونی چەند ئۆفەرێک لە سعودییەوە بۆ رامۆس دەکرا، تەنانەت یانەیەکی ئەمریکیش بۆ گواستنەوەی رامۆس هاتبووە سەر هێڵ، بەڵام تاوەکو ئێستا روون نییە رامۆس چ بڕیارێک دەدات.
