یاریگا –
یانەی نەسڕی سعودی دوای بردنەوەی نازناوی جامی شا سەلمان گاڵتە بە هیلال دەكات.
شەوی رابردوو هەردوو یانەی نەسڕ و هیلال لە یاری كۆتایی جامی شا سەلمان رووبەڕووی یەك بوونەوە و نەسڕ توانی بە ئەنجامی دوو گۆڵ بەرامبەر گۆڵێك یارییەكە بباتەوە.
دوو گۆڵەكەی نەسڕ لەلایەن كریستیانۆ رۆناڵدۆ لە خولەكەكانی 74 و 98 تۆمار كران و تاكە گۆڵەكەی هیلالیش لەلایەن میشێل لە خولەكی 51 تۆمار كرا.
هەژماری فەرمی نەسڕ لە تۆڕی كۆمەڵایەتی تویتەر نووسیویەتی: هیلال رێگەی ئاسایی نەسڕە بۆ بردنەوەی نازناوەكان، لە كۆی 46 نازناو، 17 نازناومان لە یەك رێگاوە بووە.
" الهلال " طريق #النصر المعتـاد نحو البطولات 🤩
من بين بطولاتنا الـ46 🔥
17 بطولة كانت من نفس البوابة 🏆ماهي البطولة التي لا تنساها؟ 😎 pic.twitter.com/XFGdVs2HLm
— نادي النصر السعودي (@AlNassrFC) August 12, 2023
ئەمەش ئاماژەیە بۆ ئەوەی كە پێشتر نەسڕ 17 نازناوی لەسەر حسابی هیلال بەدەستهێناوە.
جامی شا سەلمان یەكەم نازناوی كریستیانۆ رۆناڵدۆیە لەگەڵ نەسڕی سعودی.
