یاریگا
بایرن میونشن لە یاریی جامی سوپەری ئەڵمانیا رووبەڕووی لایپزیگ بووەوە و یارییەکەشی بە ئەنجامی 0-3 لە یاریگای خۆی دۆڕاند.
باڤارییەکان وەکو پاڵەوان وەرزی رابردووی بۆندسلیگا و لایپزیگی پاڵەوانی جام لە یاریی سوپەر رووبەڕووی یەکتری بونەوە، تەنها دوای تێپەڕبوونی 3 خولەک بەسەر یارییەکە، دانی ئۆلمۆ یەکەم گۆڵی یارییەکەی بۆ لایپزیگ کرد.
یارییەکە بەردەوامبوو ئەمجارەیان لە خولەکی 44 دانی ئۆلمۆ دوانەی کرد و یانەکەی کردە خاوەنی دوو گۆڵ و نیوەی یەکەم بەم ئەنجامە کۆتایی هات.
لە خولەکی 63 هاری کەین گۆڵکاری نوێی بایرن میونشن بە هیوای ئاوەژو کردنی ئەنجامی یارییەکە هاتە ناو یاریگا، بەڵام هاتنی ئەو یاریزانەش هیچ سودێکی بۆ باڤارییەکان نەبوو.
نیوەی دووەمیش یاریزانانی میوان دەست پێشخەریان کرد و لە خولەکی 68 ئۆلمۆ هاتریکی کرد و بایرن میونشنی بە تەواوەتی بێ هیوا کرد.
لە کۆتاییدا لایپزیگ لەناو ئالیانز ئارێنا یارییەکەی بە ئەنجامی 3-0 لە بایرن میونشن بردەوە و یەکەم ناسناوی جامی سوپەری ئەڵمانیاشی بەدەستهێنا.
