چاڤی: عوسمان دێمبلێ بێ هیوای کردین
یاریگا
چاڤی، ڕاهێنەری بارسێلۆنا لە کۆنگرەی رۆژنامەوانی پێش یاریی یانەکەی بەرامبەر خیتافت ڕایگەیاند ئاراوخۆ و کریستینسن هیچ کێشەیەکیان نییە.
سبەی شەو بارسا لە یەکەم یاری وەرزی نوێی خولی ئیسپانیا میوانداری خیتافی دەکات. چاڤی پێش ئەم یارییە لە کۆنگرە ڕۆژنامەوانییەکەدا دەرکەوت و باسی چەندین بابەتی جۆراوجۆری کرد. چاڤی سەبارەت بە دەستپێکی لالیگا وتی؛
ئێمە خۆمان بە باشی ئامادە کردووە و تیپەکەش لە کاتی ئامادەکاری ئاستێکی باشی پێشکەش کردووە. یارییەکی زۆر قورس دەبێت و دەبێت هەموو هەوڵێک بدەین بۆ بردنەوە. ئێستا سەرنجمان لەسەر یارییەکەی سبەینێیە و هەوڵدەدەین ناوی یاریزانەکان تۆمار بکەین. من 90% بڕوام وایە تا سبەی ناوی هەموو یاریزانێک تۆمار دەکرێت
سەبارەت بە ئانسۆ فاتی؟
گواستنەوەکان تا 31ـی ئاب بەردەوامن. من دڵخۆشم بە ئاستەکەی ئانسۆ و نازانم بۆچی پێتان وایە متمانەم پێی نییە. دەبینین دەتوانێت بمێنێتەوە یان نا، هەموو شتێک لەوانەیە رووبدات
بۆچی دێمبلێ بارسێلۆنای جێهێشت
دەتوانم هەڵسەنگاندنێکتان بۆ بکەم لەو کاتەی من لە بارسێلۆنا، ئێمە پشتمان بەو یاریزانە بەست و ئەویش نائومێدی کردین. بەڕاستی ویستمان دێمبلی لەم یانەیەدا بمێنێتەوە و پڕۆژەیەکی گەورە و نایابمان پێکەوە هەبوو
