هاری کەین بەرەو میونشن بەرێکەوت
یاریگا
هاری کەین هێرشبەری ئینگلیزی یانەی تۆتێنهامی ئینگڵتەرا بە مەبەستی پەیوەندی کردن بە ریزەکانی یانەی بایرن میونشنی ئەڵمانیا، بەرەو ئەو وڵاتە بەرێکەوت.
فابریزیۆ رۆمانۆ رۆژنامەنوسی ئیتاڵی بڵاویکردەوە، گۆڵکارەکەی سپێرز لە رێگەی فرۆکەخانەی لەندەن بە فرۆکەیەکی تایبەت بەرە شاری میونشنی ئەڵمانیا بەرێکەوت، بە مەبەستی پەیوەندی کردن بە ریزەکانی یانە باڤارییەکە.
لەلایەکی دیکەوە چەند وێنەیەکی ئەو یاریزانە لە فرۆکەخانە لەگەڵ ماڵباتەکەی بڵاوبووەتەوە گوایە ئەو کاتەیە کە گەشتی میونشن دەکات. ئەو یاریزانە لەگەڵ گەیشتنی بۆ شوێنی مەبەست یەکسەر پشکنینی پزیشکی دەکات و دواتر گرێبەستەکەی واژۆ دەکات.
سەرچاوەکانی ئەڵمانیاش بڵاویان کردووەتەوە کەین هیچ چانسێکی نیە بۆ بەشداری کردن لە یاریی جامی سوپەری ئەڵمانیا کە بڕیارە شەوی داهاتوو بکرێت، هەروەها باس لەوەش دەکرێت میونشن بەرامبەر 104 ملیۆن یۆرۆ لەگەڵ تۆتێنهام گەیشتووەتە رێکەوتن.
