یاریگا –
ئەمڕۆ هەردوو هەڵبژاردەی خانمانی ئیسپانیا و سوید خۆیان گەیاندە قۆناخی پێشکۆتایی مۆندیالی خانمان.
لە یاری یەکەم هەڵبژاردەی ئیسپانیا رووبەڕووی هەڵبژاردەی هۆڵەندا بووەوە، ماتادۆر توانی یارییەکە بە ئەنجامی دوو گۆڵ بەرامبەر بە گۆڵێک لە بەرژەوەندی خۆی کۆتایی پێبهێنێت، بەم ئەنجامەش خۆیان گەیاندە قۆناخی پێشکۆتایی جامی جیهانی.
لە یاری دووەمدا هەڵبژاردەی ژاپۆن و سوید رووبەڕوو بوونەوە، سەرەڕای ئەوەی ژاپۆن یەکێک بوو لە هەڵبژاردە بەهێزەکان، بەڵام سوید توانی یارییەکە بە بە ئەنجامی دوو گۆڵ بەرامبەر بە گۆڵێک لە بەرژەوەندی خۆی کۆتایی پێبهێنێت و خۆی بگەیەنێتە قۆناخی پێشکۆتایی.
لە قۆناخی پێشکۆتایی جامەکە، هەردوو هەڵبژاردەی ئیسپانیا و سوید رووبەڕوو دەبنەوە، براوەیان دەگاتە یاری کۆتایی جامی جیهانی خانمان.
