ڤێراتی بووەتە ئامانجی بارسێلۆنا و بایرن میونشن

یاریگا

مارکۆ ڤێراتی ناوەڕاستکاری ئیتاڵی یانەی پاریس سانجێرمانی فەرەنسا بووەتە ئامانجی یانەکانی بارسێلۆنا و بایرن میونشن.

رۆژنامەی ئێکیپی فەرەنسی بڵاویکردەوە، دوای ئەوەی دوو ئۆفەری یەکەمی هیلالی سعودی بۆ گواستنەوەی مارکۆ ڤێراتی بەرامبەر 30 و 45 ملیۆن یۆرۆ لەلایەن پاریس سانجێرمان ڕەتکرایەوە، ئێستا ئەم یانە عەرەبییە ڕکابەری نوێی بۆ هاتووەتە پێش.

بارسێلۆنا و بایرن میونشن دوو یانەن کە ئارەزووی گواستنەوەی مارکۆ ڤێراتی دەکەن و هەردوو یانە لە هەوڵی ئەوەدان ئەو یاریزانە رازی بکەن.

هەردوو ئەرکێکی ئاسانیان نابێت چونکە ناسر خلێفی بە فرۆشتنی ئەو ئەستێرە ئیتاڵییە بە بڕێکی کەم ڕازی نابێت.