یاریگا –
بەشێوەیەکی فەرمی بێژەری یاری کۆتایی جامی شا سەلمان دەستنیشانکرا.
رۆژی شەممەی داهاتوو بەرواری 12/8/2023 هەردوو یانەی نەسڕی سعودی و هیلالی سعودی لە یاری کۆتایی جامی شا سەلمان رووبەڕووی یەکتر دەبنەوە.
نەسڕ بە سەرکردایەتی کریستیانۆ رۆناڵدۆی پۆرتوگالی لە قۆناخی پێش کۆتایی شکستی بە شوڕتەی عێراقی هێنا و خۆی گەیاندە ئەم قۆناخە، هیلالیش بە بردنەوە لە شەباب خۆی گەیاندە یاری کۆتایی.
یارییەکە لە کاتژمێر 9ـی شەو بە کاتی کوردستان بەشێوەیەکی راستەوخۆ لە کەناڵی SSC HD1 دەگوازرێتەوە، هەردوو بێژەری بەناوبانگ و بە ئەزموون، ڕەئوف خەلیف و حماد عنزی کاری بێژەری یارییەکە دەکەن.
