ریال مەدرید جامی سانتیاگۆ بێرنابیۆ دەگەڕێنێتەوە
یاریگا –
یانەی ریال مەدریدی ئیسپانی دەیەوێت لە ساڵی داهاتوو جارێکی تر جامی سانتیاگۆ بێرنابیۆ بگەڕێنێتەوە. ئەو پێشبڕکێیەی کە لە ساڵی 2018ەوە لەگەڵ نۆژەن کردنەوەی بێرنابیۆ وەستا.
ریال مەدرید لە ساڵی 1979ەوە جامی بێرنابیۆ بەڕێوەدەبات بۆ رێزگرتن لە سانتیاگۆ بێرنابیۆ، سەرۆکی ئەفسانەیی یانەکە. بێگومان جامەکە لە ساڵی 2018ەوە بە ئاوەدانکردنەوەی یاریگای بێرنابیۆ راگیرا، بەڵام ئێستا یانەکە بەنیازە ساڵی داهاتوو جارێکی دیکە لەگەڵ تەواوبوونی یاریگاکە دەستی پێبکاتەوە.
ساڵێک دوای مردنی بێرنابیۆ ئەم جامە دامەزرا و بۆ ماوەی 39 ساڵ یاری پێکرا. بێگومان لە هاوینی 2014 بەهۆی سەرقاڵیی ساڵنامەی هاوینەی ریال ئەم یارییە ئەنجام نەدرا و لە 28 جاریش یانەی ریال ئەم یارییەی بردووەتەوە و جامی خۆی لە یاریگای خۆیدا هێشتۆتەوە.
دوایین رکابەری ریال لەم جامە میلان بوو کە ریال لەو یارییەدا سەرکەوتنی بەدەستهێنا. هەروەها بڕیار بوو لە ساڵانی 2019 و 2020 تیپەکانی رێن و فرانکفۆرت بانگهێشت بکرێن. ئەم تیپانە رکابەری ریال بوون لە یاری کۆتایی جامی یانەکانی ئەوروپا لە ساڵانی 1950 و 1960 کە ریال 6 پاڵەوانێتی لەسەریەک بەدەستهێنا.
🇪🇸🚨 NEW: Real Madrid are expected to bring back the Trofeo Santiago Bernabéu in 2024. @diarioas #rmalive 🏆 pic.twitter.com/i4lA88bWBf
— Madrid Zone (@theMadridZone) August 8, 2023
