فەرمی: لۆپیتیگی ریزەكانی وۆلڤزی جێهێشت
یاریگا –
جولیان لۆپیتیگی، بەشێوەیەكی فەرمی ریزەكانی یانەی وۆلڤزی جێهێشت پێش سێ رۆژ لە دەستپێكردنەوەی وەرزی نوێی پرێمەرلیگ.
لە مانگی 11ی ساڵی رابردوودا لۆپیتیگی ئەركی وەرگرتنی پۆستی راهێنەرایەتیكردنی وۆلڤزی وەرگرت و سەركەوتوو بوو لە هێشتنەوەی یانەكە لە پرێمەرلیگ.
سەرەڕای ئەوەش دوای گەیشتنە رێككەوتن لەلایەن لۆپیتیگی و وۆلڤز گرێبەستی نێوانیان هەڵوەشایەوە.
The club and Julen Lopetegui have reached an agreement to part ways, ending his nine month stay as head coach.
— Wolves (@Wolves) August 8, 2023
یانە ئینگلیزیەكە لە بەیاننامەیەكدا رایگەیاند: یانەكە و راهێنەرەكە لە چەندین بابەتدا جیاوازی بیر و ڕا لە نێوانیاندا بووە، لە كۆتاییدا هاوڕا بوون لەسەر هەڵوەشاندنەوەی گرێبەستەكەی بەشێوەیەكی ئاشتیانە و ئەوەیان بە باشترین چارەسەر بۆ هەردوولا بینی.
لە كۆتایشدا هیوای سەركەوتنیان بۆ راهێنەرەكە خواست لە داهاتوودا و رایانگەیاند لە وۆلڤز هەمیشە پێشوازییان لێ دەكرێت.
وەرزی رابردوو لۆپیتیگی 37 یاری راهێنەرایەتی كرد و توانی 11 یاری بباتەوە 8 یاری یەكسان بێت و 18 یاریش بدۆڕێت.
