کێ باشترین جێبەجێکاری لێدانی راستەوخۆیە؟ مێسی یان رۆناڵدۆ؟
یاریگا –
دوا گۆڵی لیۆنێل مێسی لە ئینتەر مەیامی بەرامبەر یانەی داڵاس، جارێکی دیکە، ریزبەندی باشترین گۆڵکاران لە لێدانی راستەوخۆی هێنایە ئاراوە.
لیۆ مێسی یەکێکە لە باشترین ئەو یاریزانانەی لێدانی راستەوخۆ ئاراستە دەکەن، بەڵام لەم بابەتەدا تۆڕی وەرزشی یاریگا ریزبەندی باشترینەکانتان بۆ دەخاتەڕوو.
لە چەند ساڵی رابردوودا، هەوادارانی وەرزشی شایەتی چەندین لێدانی راستەوخۆی سەرسووڕهێنەر بوون، هەمووی وەک یادگاری لە یادگەکاندا ماون. لە کریستیانۆ رۆناڵدۆ، جۆنینیۆ، پێرلۆ و چەندانی دیکە بگرە تاوەکو دەگەیتە مێسی. لەم بابەتەدا باشترینەکان بناسە.
10. کریستیانۆ رۆناڵدۆ – 60
ئەوکاتە رۆناڵدۆ لە لووتکەی ئاستیدابوو، یەکێک بوو لە باشترین جێبەجێکارانی لێدانە راستەوخۆکان، چەندین گۆڵی سەرنجڕاکێشی لەگەڵ مانچێستەر یونایتد، ریال مەدرید و هەڵبژاردەی پۆرتوگال کردووە.
شێوازی رۆناڵدۆ زۆر سادە بوو، خۆ ئامادەکردنێکی ئارام و ئاراستەکردنی تۆپەکە بە هێزێکی زۆرەوە.
رۆناڵدۆ تا ئەم دواییەش چەندین گۆڵی جوانی بە لێدانی راستەوخۆ کرد، بە تایبەت لە یاری نێوان نەسر و ئەبها لە خولی سعودی و گۆڵە جوانەکەی بەرامبەر هەڵبژاردەی لیشتێنشتاین لە پاڵاوتنەکانی یۆرۆی 2024.
CRISTIANO RONALDO FREEKICK GOAL! pic.twitter.com/TOYGGGU7ya
— TC (@totalcristiano) March 18, 2023
9. رۆدریگۆ سێنی – 61
سێنی یەکێکە لە باشترین گۆڵکارانی بەرازیل، هەرچەندە گۆڵپارێز بوو! رۆدریگۆ باشترین گۆڵکاری گۆڵپارێزە و دەیان ریکۆردی شکاندووە.
رۆدریگۆ لە ژیانی وەرزشیدا 131 گۆڵی کردووە و نزیکەی نیوەی گۆڵەکانی بە لێدانی راستەوخۆ کردووە.
Happy Birthday to legendary #goalkeeper Rogério Ceni!
If São Paulo had a free kick, he was their man!
1 club.
1257 games.
131 goals.#GKUnion #SaoPaulopic.twitter.com/etRyCzys0T— KeeperAnalyst (@KeeperAnalyst) January 22, 2022
8. زیکۆ – 62
هەرچەندە زیکۆ زیاتر لە 100 گۆڵی بە لێدانی راستەوخۆ کردووە، بەڵام بە فەرمی تەنیا 62 گۆڵ ناسێندراون.
تەکنیکی زیکۆ بریتیی بوو لە خۆ ئامادەکردنی خێرا و ئاراستە کردنی تۆپ بە هێمنی بۆ لایەکی گۆڵ.
Free kick by Zico (1982)
🇧🇷 ⚽ 🏴 pic.twitter.com/3ju8oGZXfJ— MotherSoccer (@MotherSoccerNL) April 6, 2022
7. دیێگۆ مارادۆنا – 62
ئاهەنگگێڕانە سەرشێتانەکانی مارادۆنا هەرگیز لە یادی هەوادارانی وەرزشی دەرناچن، دیێگۆ یەکێکە لە باشترین یاریزانانی مێژووی یارییەکە، ئەگەر باشترینیش نەبێ.
دیێگۆ بە هەموو شێوازێک دەیتوانی گۆڵ بکات، جیا لەمەش لە ئاراستەکردنی تۆپ بە لێدانی راستەوخۆ زۆر ژیر بوو.
On this day in 1979 🗓
Rare footage of Diego Maradona's free-kick goal for @Argentina as they went on to win the FIFA World Youth Championship 🎥 pic.twitter.com/PfaGc5JQvW
— FIFA World Cup (@FIFAWorldCup) September 7, 2022
6. لیۆنێل مێسی – 64
مێسی یەکێکە لەو یاریزانانەی بەردەوام لە لێدانی راستەوخۆدا، مەترسی بۆ سەر گۆڵی یانەی بەرامبەر دروست دەکات.
مێسی بە تەکنیکێکی پڕ لە داهێنان و هێمن، تۆپ ئاراستەی سووچێکی گۆڵ دەکات. ئێستا یەکێکە لە باشترین جێبەجێکارانی لێدانی راستەوخۆ.
94TH-MINUTE WINNER.
OFF A FREE KICK.
ON HIS DEBUT.
LEO MESSI 👑
(via @MLS)pic.twitter.com/zwp6gcevZI
— B/R Football (@brfootball) July 22, 2023
5. دەیڤد بێکهام – 65
کە باسی لێدانی راستەوخۆ دەکرێت، ناکرێ هزرت بۆ بێکهام نەچێت. کاپتنی پێشووی ئینگلتەرا یەکێکە لە دیارترین ئەستێرەکانی تۆپی پێ کە لێدانی راستەوخۆ جێبەچێ دەکات.
قسەیەک هەیە دەڵێت ‘وەک بێکهام خۆت بچەمێنەوە’، چونکە وەستان و جێبەجێکردنی لێدانەکان، براندێکی تایبەتی بە خۆی هەیە و گۆڵی زۆر سەرنجڕاکێشی کردووە.
In 2001, David Beckham sent England to the World Cup with this freekick. pic.twitter.com/ZGaoJWCyrl
— Throwback Football (@ftblthrowbacks) July 21, 2023
4. ڤیکتۆر لێگرۆتایێ – 66
لێگرۆتایێ رەنگە بەراورد بە یاریزانانی دیکەی نێو ئەم ریزبەندییە زۆر بەناوبانگ نەبێت، بەڵام کاتێک باسی لێدانی راستەوخۆ دەکرێت، ئەم ئەفسانە ئەرجەنتینییە بە توندی دێتە نێو باسەکان.
لێگرۆتایێ تەواوی کاروانی وەرزشییەکەی لە ئەرجەنتین بەسەر برد و دەیان گۆڵی سەرنجڕاکێشی کردووە. هەرچەندە یانەکانی ئینتەر میلان، یوڤێنتوس و ریال مەدرید ئۆفەریان پێشکەشکرد، بەڵام لێگرۆتایێ هەر لە خولی ئەرجەنتینیدا مایوە.
3. رۆناڵدینیۆ – 66
رۆناڵدینیۆ، ناوێکە بەردەوامە لەگەڵ بۆنە گەورەکان ناوی دەهێندرێت، چونکە یاریزانێکە توانای رادەبەدەری لە شوێنە جیاوازەکانی یاریگادا هەبوو.
لە لێدانی راستەوخۆشدا، بەردەوام بیرۆکەی جیاوازی هەبوو، سەرنجی هەمووانی رادەکێشا، بۆیە یەکێکە لە باشترین جێبەجێکارانی لێدانی راستەوخۆ.
"🇧🇷 Cheeky Ronaldinho free-kick, #OTD in 2006 😏@10Ronaldinho || #UCL pic.twitter.com/K5LnTCiha6" 🙏
— Visitory News (@VisitoryNews) December 5, 2022
2. پێلێ – 70
لای زۆربەی هەوادارانی وەرزشی، پێلێ باشترین یاریزانی مێژووی تۆپی پێیە، چونکە خاوەنی سێ نازناوی مۆندیالە و زیاتر لە 1000 گۆڵیشی کردووە.
پێلێ جیا لەوەی یەکێکە لە باشترینەکان، یەکێک بووە لەوانەی زۆر بە جوانی لێدانی راستەوخۆ جێبەجێ دەکەن.
The craziest thing about this video is the fact that Pele scored a free kick with his left foot. pic.twitter.com/RGEvMQB7fy
— EBL (@EBL2017) December 6, 2022
جۆنینیۆ – 77
کاتێک دێتە سەر لێدانی راستەوخۆ، پێرنامبوکانۆ بێ رکابەر لە ریزبەندی یەکەمدا دێت. ئەگەر ناکۆکی قووڵ لە نێو هەوادارانی وەرزشیدا هەبێت، بەڵام کاتێک دێتە سەر باسی جۆنینیۆ، هەمووان کۆک دەبن.
جۆنینیۆ بەشێکی زۆری کاروانی وەرزشی لەگەڵ ئۆڵێمپیک لیۆن بەسەر برد و توانی سەرکردایەتییان بکات، بۆ بردنەوەی حەوت نازناوی لیگ وەن.
The best free-kick taker ever? 🤔
Wishing a very happy birthday to Juninho Pernambucano! 🎈#UCL pic.twitter.com/neFOIAJEd8
— UEFA Champions League (@ChampionsLeague) January 30, 2023
