یاریگا –
تەواوی یارییەکانی خولی سعودی راستەوخۆ لە بەریتانیا پەخش دەکرێن.
تۆڕی هەواڵی DAZN مافی گواستنەوەی یارییەکانی خولی رۆشەنی سعودی بەدەستهێنا و ئیتر یارییەکانی کریستیانۆ رۆناڵدۆ، جۆردان هێندرسن و ریاز مەحرز لە بەریتانیاش دەگوازرێنەوە.
دەیلی مەیڵ بڵاویکردووەتەوە، دازن تاکە کەناڵی بەریتانییە مافی گواستنەوەی یارییەکان بەدەستدەهێنێت و تەواوی یارییەکان دەگوازێتەوە.
بڕیارە یاری نێوان ئەهلی و حەزم یەکەم یاری وەرزی نوێی خولی رۆشەن دەبێت و بڕیارە 14ی خولەکە دەستپێبکات و یەکەم یاری نەسریش لە بەرامبەر ئیتیفاق دەبێت.
دووشەممەی داهاتوو، ئیتیحاد، تیمەکەی کەریم بێنزێما و ئێنگۆلۆ کانتێ وەرزی نوێ دەستپێدەکەن.
