یانەیەكی پرێمەرلیگ هاری ماگوایەری دەوێت
یاریگا –
یانەی وێستهام یونایتد ئۆفەرێكی پێشكەشی مانچێستەر یونایتد كردووە لە پێناو بەدەستهێنانی تواناكانی هاری ماگوایەری ئینگلیزی لە گواستنەوەكانی هاوینەدا.
وەرزی رابردوو ماگوایەر چەندین جار هەلی یاریكردنی لەلایەن تێن هاخەوە پێدرا، بەڵام بەهۆی ئاستە خراپەكەیەوە شوێنی سەرەكی لەدەستدا و بوو بە بژاردەی چوارەم بۆ راهێنەرە هۆڵەندیەكە لە دوای هەریەك لە لیساندرۆ مارتینێز، رافایل ڤاران و ڤیكتۆر لیندیلۆڤ.
فابریزیۆ رۆمانۆ رۆژنامەنووسی ئیتاڵی و شارەزا لە بازاڕی گواستنەوەی یاریزاناندا ئاشكرایكرد، وێستهام ئۆفەرێكی بۆ گواستنەوەی هاری ماگوایەر بە بەهای 30 ملیۆن پاوەند پێشكەش كردووە.
West Ham and Manchester United are in direct contact over Harry Maguire deal. £30m bid has been sent today, clubs are talking — no contact made on player side yet. 🚨⚒️ #WHUFC
Talks will continue as there are more PL clubs interested in Maguire. pic.twitter.com/PWjliHdaBl
— Fabrizio Romano (@FabrizioRomano) August 7, 2023
رۆژنامەنووسە ئیتاڵیەكە ئەوەشی ئاشكرا كرد، وێستهام تا ئێستا راستەوخۆ لەگەڵ یاریزانەكە گفتۆگۆیان نەكردووە.
لە هاوینی ساڵی 2019 ماگوایەر لە ریزەكانی لێستەر سیتیەوە بە بەهای 80 ملیۆن پاوەند پەیوەندی بە مانچێستەر یونایتدەوە كرد.
گرێبەستەكەی هاری ماگوایەر لەگەڵ شەیتانە سوورەكان لە هاوینی ساڵی 2025 بەسەردەچێت.
وەرزی رابردوو بەرگریكارە ئینگلیزیەكە بەشداری لە 16 یاریدا كرد كە زۆربەیان وەك یاریزانی یەدەگ بەشداریكردووە.
