یاریگا –
یانەی ریال مەدرید سەرجەم ئەو دەنگۆیانە بەدرۆ دەخاتەوە کە باس لە رۆیشتنی پێرێز دەکەن.
ئەمڕۆ لە تۆڕە کۆمەڵایەتییەکان دەنگۆیەک بڵاوکرایەوە، کە گوایە فلۆرێنتینۆ پێرێزی سەرۆکی یانەی ریال مەدرید ماڵئاوایی لە یانەکە دەکات و چیتر سەرۆکی مەدرید نابێت.
کەمێک لەمەوبەر پێگەی فەرمی یانەی ریال مەدرید بە فەرمی بەیاننامەیەکی بڵاویکردەوە، تیایدا سەرجەم ئەو دەنگۆیانەیان بەدرۆ خستەوە کە باسیان لە رۆیشتنی سەرۆک فلۆرێنتینۆ پێرێز دەکرد لە یانەکە.
Comunicado Oficial.#RealMadrid
— Real Madrid C.F. (@realmadrid) August 5, 2023
یانە ئیسپانییەکە بە توندی ئیدانەی ئەو جۆرە هەواڵانە دەکات، رایانگەیاندووە ئەو جۆرە دەنگۆیانە بەتەواوی دوورن لە ڕاستی و کاری کەسانێکن کە بە پێچەوانەی بەرژەوەندی ریال مەدرید کار دەکەن.
پێرێز لە دوو کاتی جیاواز سەرۆکایەتی ریال مەدریدی کردووە، جاری یەکەم لە ساڵی 2000 تا ساڵی 2006 بووە، جاری دووەمیش لە ساڵی 2009 گەڕایەوە بۆ سەرۆکایەتی کردنی یانەکە، لەو کاتەوە تا ئێستا لە پۆستەکەی بەردەوامە.
مێرێنگی بە سەرۆکایەتی پێرێز 6 نازناوی چامپیۆنزلیگ، 6 نازناوی لالیگا، 5 نازناوی جامی جیهانی یانەکان، 5 نازناوی سوپەری ئەوروپا، 6 نازناومی جامی سوپەری ئیسپانیا و 2 نازناوی جامی شای ئیسپانیای بەدەستهێناوە.
