بە فەرمی ڤاردیۆل پەیوەندی بە مانچێستەر سیتی کرد
یاریگا –
بەشێوەیەکی فەرمی یانەی مانچێستەر سیتی گرێبەستی لەگەڵ ڤاردیۆل واژۆ کرد.
کەمێک لەمەوبەر پێگەی فەرمی مانچێستەر سیتی بڵاویکردەوە، بەشێوەیەکی فەرمی یۆشکۆ ڤاردیۆلی کڕواتی و بەرگریکاری پێشوی یانەی لایپزیگی ئەڵمانی گرێبەستی لەگەڵ یانەکەیان واژۆ کردووە و یاریزانی نوێی سیتیزنە.
تێچووی گرێبەستەکەی ڤاردیۆل 90 ملیۆن یۆرۆیە، کە ناوبراو بوو بە دووەم گرانبەهاترین بەرگریکاری مێژوو لە دوای گواستنەوەی هاری ماگوایەر لە لێستەر سیتییەوە بۆ مانچێستەر یونایتد بە بڕی 92 ملیۆن یۆرۆ.
Suits you, Josko! 🤩🩵 pic.twitter.com/ySy5CfUAQ9
— Manchester City (@ManCity) August 5, 2023
ڤاردیۆلی تەمەن 21 ساڵان بە درێسی لایپزیگ لە سەرجەم پاڵەوانێتییەکان 87 یاری کردووە، 5 گۆڵی کردووە و 3 گۆڵیشی درووست کردووە.
دووجار لەگەڵ یانە ئەڵمانییەکە بووەتە پاڵەوانی جامی ئەڵمانیا، لە مۆندیالی قەتەریش ئاستێکی بەرزی پێشکەشکرد و سەرنجی گەورەکانی ئەوروپای بەلای خۆیدا راکێشە.
گواستنەوەی ڤاردیۆل دووەم گرێبەستی پاڵەوانی ئەوروپایە لەم مێرکاتۆیە، لەدوای گواستنەوەی ماتیۆ کۆڤاسیچی کڕواتی لە یانەی چێڵسی لەندەنی.
Welcome, Josko! 🙌 pic.twitter.com/h5twzhVNy1
— Manchester City (@ManCity) August 5, 2023
Josko Gvardiol signs for City! 🩵 pic.twitter.com/MN6euvK0y0
— Manchester City (@ManCity) August 5, 2023
