یاریزانێکی بە رەگەز عێراقی دەچێتە بارسێلۆنا

یاریگا

یەکێک لە بەهرەمەندەکانی تۆپی پێی ئەڵمانی پەیوەندی بە یانەی بارسێلۆنای ئیسپانیا دەکات.

فابریزیۆ ڕۆمانۆ ئاشکرای دەکات، بەم نزیکانە نوح دەروێش، یەکێک لە بەهرەمەندەکانی تۆپی پێی ئەڵمانیا، کە بە رەگەز عێراقیە دەچێتە بارسێلۆنا.

بەرپرسانی بلاوگرانا لەسەر گواستنەوەی دەروێش لەگەڵ یانەی فرایبۆرگی ئەڵمانی گەیشتوونەتە ڕێککەوتنێکی تەواو و ئەم ئەستێرە گەنجە کە لەدایک بووی ساڵی 2006 درێسی بارسا لەبەر دەکات.

نوح دەروێش بەرهەمی ئەکادیمیای یانەکانی فرایبۆرگە و لەگەڵ هەڵبژاردەکانی ئەڵمانیای ژێر 16 ساڵان و 17 ساڵان یاری کردووە.

ئەو یاریزانە لاوە لە هێڵی ناوەڕاست بۆ یانەی فرایبۆرگ یاری کردووە، لە 23 یاریدا لە تیپی خوار 17 ساڵی ئەم یانەیە 9 گۆڵ و 5 ئەسیستی تۆمارکردووە.