عوسمان دێمبێلی پەیوەندی بە پاریس سان جێرمان دەكات
یاریگا –
عوسمان دێمبێلی، ئەستێرەی هەڵبژاردەی فەڕەنسا و یانەی بارسێلۆنای ئیسپانی پەیوەندی بە ریزەكانی پاریس سان جێرمانی فەڕەنسی دەكات.
گرێبەستەكەی دێمبێلی لەگەڵ بارسێلۆنا لە هاوینی ساڵی 2024 بەسەردەچێت.
كەمێك پێش ئێستا فابریزیۆ رۆمانۆ رۆژنامەنووسی ئیتاڵی و شارەزا لە بازاڕی گواستنەوەی یاریزانان لە هەژماری تایبەتی خۆی پەیوەندیكردنی دێمبێلی بە یانە فەڕەنسیەكەوە راگەیاند.
Ousmane Dembélé to PSG, here we go! Medical tests booked, official contract valid until June 2028 will be signed by Saturday 🚨🔴🔵🇫🇷 #PSG
‘Private’ clause activated on Monday for €50m.
Main part to Barcelona and also part to player side/his agent Moussa Sissoko.
Sealed soon. pic.twitter.com/g4LLItD8DA
— Fabrizio Romano (@FabrizioRomano) August 3, 2023
رۆمانۆ لە هەژماری تایبەتی خۆی نووسیویەتی، عوسمان دێمبێلی بە گرێبەستێك بۆ ماوەی پێنج ساڵ و تا ساڵی 2028 پەیوەندی بە پاریس سان جێرمانەوە دەكات.
ئەوەشی ئاشكرا كردووە، رۆژی دووشەممە بڕگەی هەڵوەشاندنەوەی گرێبەستەكەی كە 50 ملیۆن یۆرۆ بوو چالاككراوە.
بەهای گڕێبەستەكە بەشێكی بۆ یاریزانەكە و بریكاری كارەكانی و بەشێكی دیكەش بۆ بارسێلۆنا دەبێت.
دێمبێلی لەگەڵ بارسێلۆنا 185 یاری كردووە، توانیویەتی 40 گۆڵ بكات و 43 گۆڵیش درووست بكات.
