کاپتنی هەڵبژاردەی عێراق پەیوەندی بە ئیستیقلال کرد

یاریگا

محەمەد مونتەزەر کاپتنی هەڵبژاردەی ئۆڵمپی عێراق پەیوەندی بە یانەی ئیستیقلالی ئێران کرد.

ماڵپەری فەرمی یانەی ئیستیقلالی ئێران بڵاویکردەوە، لەگەڵ یاریزانە عێراقیەکە گەیشتنە رێکەوتن و دوای ئەنجامدانی پشکنینی پزیشکی بە شێوەیەکی فەرمی پەیوەندی بە یانەکەیانەوە کرد.

محەمەد مونتەزەر بەرگریکاری عێراقی وەرزی رابردوو لەگەڵ یانەی قوەجەویە لە خولی نایابی عێراق پلەی دووەمیان بەدەستهێنا.

ئەو بەرگریکارە 22 ساڵانە پێشتر دوو یاریی بۆ هەڵبژاردەی یەکەمی عێراق کردووە و لەگەڵ هەڵبژاردەی ئۆڵمپی وڵاتەکەشی بەشداری 17 یاریکردووە.