جووڵە پڕگرژییەکانی لیۆ مێسی و دەمەقاڵێی لەگەڵ یاریزانانی ئۆرلاندۆ ببینە
یاریگا –
لیۆنێل مێسی بۆ یەکەمجارە بە توڕەیی لە ویلایەتە یەکگرتووەکانی ئەمریکا دەبیندرێت، ئەمەش لە یاری نێوان ئینتەر مەیامی و ئۆرلاندۆ سیتی لە جامی خولی ئەمریکا روویدا.
لە دوای تەواوبوونی گیێمی یەکەمی یارییەکە، لە ڤیدیۆکان مێسی بە توڕەیی دەردەکەوێت و دەبێتە دەمەقاڵی لەگەڵ یەکێک لە یاریزانانی ئۆرلاندۆ.
دۆخی نێوان مێسی و یاریزانەکەی دیکە زۆر گەرم دیار بوو، بەڵام دواتر یاریزانان چوونە نێوانیان و کۆتاییان بە گرژییەکە هێنا.
MESSI IS ABSOLUTELY ON SMOKE TIME 😭 pic.twitter.com/ZwPjsvVNWQ
— Sam 💎 (@FcbxSam) August 3, 2023
ئەنجامی گێمی 1-1 تەواوبوو، لیۆنێل مێسی لە خولەکی شەشەمدا گۆڵی یەکەمی کرد و دواتر سیزار ئاراوخۆ، ئەنجامەکەی یەکسان کردەوە.
گرژییەکە زوو دەستیپێکرد، مێسی تۆپێکی لە ئاراوخۆ وەرگرت، بەڵام هەر زوو، دوو یاریزانی ئۆرلاند دوای مێسی کەوتن و تۆپەکەیان بە توندی لێوەرگرت، مێسی زوو داوای بەرزکردنەوەی کارتی زەردی لە ناوبژیوان کرد.
Messi is absolutely locked in. This is insane pic.twitter.com/NTuzRmtdZ6
— MC (@CrewsMat10) August 3, 2023
لە دوای رووداوەکە، ڤیدیۆی دیکەی گرژی نێوان مێسی و یاریزانانی ئۆرلاند لە تونێلی چوونە دەرەوەی یاریزانان لە چیمەنی یاریگاکە بڵاوبوونەتەوە و مێسی زۆر بە توڕەیی دەردەکەوێت.
لە ڤیدیۆکەدا دەمەقاڵێی نێوان مێسی و ئاراوخۆ روونە، بەڵام تاوەکو ئێستا قسەکان بڵاونەکراونەتەوە.
لە گرتەیەکی دیکەدا، مێسی گلەیی توندی لێدانەکانی یاریزانانی ئۆرلاند لە ناوبژیوانی یارییەکە دەکات و دەست بۆ قاچەکانی درێژ دەکات.
Messi treating this like a World Cup final, I needed this pic.twitter.com/ILSOZwoMtP
— MC (@CrewsMat10) August 3, 2023
مێسی دوو گۆڵی لە یارییەکەدا کرد و خەریکە تەواوی ریکۆردەکانی یانە ئەمریکییەکە بە خێرایی دەشکێنێت.
