ئانچێلۆتی هەڕەشە لە پاریس سانجێرمان دەکات
یاریگا
کارلۆ ئانچێلۆتی راهێنەری ئیتاڵی یانەی ریال مەدریدی ئیسپانیا پێیوایە یانەکەشیان بەڵگەی پێویستی بەردەستە بۆ ئەوەی ئەوانیش سکاڵا لە دژی یانەی پاریس سانجێرمان تۆمار بکەن.
پاریس سان جێرمان پێیوایە ئێمباپێ لە ساڵی ڕابردووەوە لەگەڵ یانەی ڕیال مەدرید ڕێککەوتووە بۆ گواستنەوەی بێبەرامبەر بۆ ئەو یانەیە. بەرپرسانی یانە پاریسییەکە پلانیان هەیە لە ئەگەری گواستنەوەی گۆڵکارەکەیان بۆ مەدرید سکاڵا لە فیفا تۆمار بکەن.
کارلۆ ئانچیلۆتی راهێنەری مێرنگی لە وەڵامی پرسیاری ڕۆژنامەنووسان سەبارەت بە سکاڵاکەی پاریس سانجێرمان ڕایگەیاند کە ڕیاڵ مەدریدیش دەتوانێت سکاڵایان لەسەر تۆمار بکات بەهۆی هەڵسوکەوتی بەرپرسانی ئەو یانەیە لە یاریگای سانتیاگۆ بێرنابیۆ. ئەنچیلۆتی سەبارەت بەم بابەتە وتی؛
ئەگەر پاریس سانجێرمان بیەوێت سکاڵا لەسەر ئێمە لە فیفا تۆمار بکات، ئێمەش دەتوانین گرتە ڤیدیۆییەکانی ئەو کاتە پیشان بدەینەوە کە خاوەنەکەی و بەڕێوەبەری وەرزشی خۆیان زیانیان بە موڵک و ماڵی بێرنابیۆ گەیاندووە و هەڕەشەی لە بەرپرسانی یەکێتی تۆپی پێی ئەوروپا کردووە و دەستدرێژییان کردووەتە سەر کرێکارێک
