شکستە یەک لەدوای یەکەکانی پاریس بە بێ ئێمباپێ
یاریگا –
پاریس سانجێرمان دووەم دۆڕانی لەسەریەک لە گەشتەکەی ژاپۆن بەرامبەر ئینتەرمیلان ئەزموون کرد بۆ ئەوەی دیاری بکات کە ئامادەنەبوونی کیلیان ئێمباپێ تا چەند کاریگەری هەیە لەسەر سەرکەوتنی ئەم یانەیە.
ئەمڕۆ پاریس سانجێرمان و ئینتەرمیلان لە یارییەکی دۆستانەدا لە تۆکیۆ روبەڕوی یەکتر بوونەوە. ئینتەرمیلان لە یاری پێشووی بەرامبەر نەسر یەکسان بوو و پاریس سانجێرمان بەرامبەر سێرزۆی ژاپۆنی بە سێ گۆڵ بەرامبەر بە دوو گۆڵ دۆڕا.
لەگێمی یەکەمدا هەردوو یانە هەلی گۆڵ کردنیان هەبوو، پاریس سانجێرمان لە چارەکی یەکەمدا تیپی باشتر بوو و لە خولەکەکانی 8 و 14 دا دوو هەلی گۆڵکردنی لەدەست دا. ئینتەرمیلان لەسەر لێدانەکانی لاوتارۆ و بارێلا چەند هەلێکی هەبوو، لەگەڵ ئەوەشدا گێمی یەکەم بەبێ ئەوەی گۆڵ تۆمار بکرێت کۆتایی هات.
پاریس سانجێرمان کە لە گێمی دووەمدا پێشەنگێکی بەرچاوی هەبوو، لە خولەکی 63 گۆڵی یەکەمی لەلایەن ڤیتینیا تۆمارکرد.
⏱ 64′ Quelle frappe de @vitinha qui vient ouvrir le score dans ce match ! ⚽️#PSGInter I #PSGJapanTour2023 🇯🇵 pic.twitter.com/khcylzNW5t
— Paris Saint-Germain (@PSG_inside) August 1, 2023
ئینتەر لە خولەکی 81 وەڵامی ئەم گۆڵەی دایەوە. پاسەکەی فرازی لەناو ناوچەی سزا بۆ ئیسپۆزیتۆ و لێدانە وردەکەی بۆ ناو گۆڵ توانی ئەنجامی یارییەکە بگۆڕێت بۆ 1-1. هەر دوای دو خولەک ستیفانۆ سێنسی توانی گۆڵی دووەم تۆمار بکات و بتوانێت لەم یارییەدا شکست بە پاریس سانجێرمان بهێنێت.
