یاریگا
دوای ڕۆیشتنی جۆردن هێندێرسۆن و جەیمس میلنەر، ڤێرجیل ڤان دایک وەک کاپتنی یەکەمی یانەی لیڤەرپوول دیاریکرا.
ماڵپەر فەرمی یانەی لیڤەرپوول بڵاویکردەوە، ڤێرجیل ڤان دایک و ترێنت ئەلێکساندەر ئارنۆڵد وەک کاپتنی یەکەم و دووەمی یانەکە هەڵدەبژێردران.
دوای جیابوونەوەی جۆردن هێندێرسۆن و جەیمس میلنەر کە بۆ ماوەیەکی زۆر سەرکردایەتی ڕیدزیان مێرسیساید کرد، ئێستا قۆڵبەندی کاپتنەکە لەسەر قۆڵی ڤان دایک دەبێت و لە ئامادەنەبوونی ئەو بەرگریکارە، ئارنۆڵد دەبێتە کاپتنی یانەکە.
ڤێرجیل ڤان دایکی تەمەن 32 ساڵ چەندین جار کاپتنی یەکەمی لیڤەرپوول بووە، بە بۆچوونی یانەکەش شایستەترین کەسە لە وەرزی داهاتوودا سەرکردایەتی تیپەکەی یۆرگن کلۆپ بکات.
