یاریگا –
جود بێڵینگهام، ئەستێرەی نوێی ریال مەدرید بە گۆرەوی دڕاو بەشداری یارییەکانی ئامادەکاری یانەکەی دەکات.
گۆرەوییە دڕاوەکانی بێڵینگهام پرسیاری لای زۆربەی هەوادارانی یانە شاهانەکە دروست کردووە.
تۆڕی هەواڵی رێلێڤۆی ئیسپانی بڵاویکردووەتەوە، بێڵینگهام لەبەر هۆکاری تەندروستی بە گۆرەوی دڕاو یاری دەکات و هیچ هۆکار و نهێنییەکی دیکەی لە پشتەوە نییە.
بێڵینگهام لەگەڵ چەندین ئەستێرەی دیکە بە گۆرەوی دڕاو یاری دەکەن، تاوەکو قورسایی لەسەر ماسوولکەی پووزیان دروست نەکەن و خۆیان لە پێکان بپارێزن.
بێڵینگهام لەم مێرکاتۆیەدا لە بۆڕووسیا دۆرتموندەوە پەیوەندی بە ریال مەدریدەوە کرد و لە دوو یاری رابردووی ئامادەکاریدا، ئاستێکی بەرزی پێشکەش کردووە و بە باشترین یاریزانی یاری نێوان ریال مەدرید و مانچێستەر یونایتد هەڵبژێردرا.
