ئینگلتەرا
مانچێستەر یونایتد ئۆفەرێکی وێستهام یونایتد بۆ دەستبەرداربوون لە ماگوایەر رەتکردەوە
یاریگا
یانەی مانچێستەر یونایتدی ئینگڵتەرا ئۆفەری یانەی وێستهام یونایتدی بۆ دەستبەرداربوون لە هاری ماگوایەر رەتکردەوە.
دەیڤید ئۆرنشتاین لە رۆژنامەی ئەتلەتیک بڵاویکردەوە، وێستهام ئۆفەرێکی 20 ملیۆن پاوەندی بۆ گواستنەوەی هاری ماگوایەر پێشکەشی شەیتانە سوورەکان کرد بەڵام ئۆفەرەکەیان لەلایەن ئەو یانەیە ڕەتکرایەوە.
دەیڤد مۆیس راهێنەری وێستهام داوای لە کارگێری یانەکەی کردووە بە هەر شێوەیەک بێت ماگوایەر بگوازنەوە ریزەکانیان، بەڵام گەورەترین کێشەی ئەو یانەیە مووچە زۆرەکەی ئەو بەرگریکارەیە.
ئەو رۆژنامەنوسە بڵاویشی کردەوە بەرپرسانی مان یونایتد ئامانجیانە پارەیەکی باش لەو گرێبەستە 80 ملیۆنەی بۆ گواستنەوەی ماگوایەر خەرجیان کردووە بەدەست بێننەوە، بۆیە ئەو ئۆفەرەی وێستهامیان رەتکردووەتەوە.
