سادیۆ مانێ پەیوەندی بە نەسڕی سعوودیەوە دەكات
یاریگا –
سادیۆ مانێ، ئەستێرەی هەڵبژاردەی سەنیگال و یانەی بایرن میونشنی ئەڵمانی پەیوەندی بە یانەی نەسڕی سعوودیەوە دەكات.
مانێ لە هاوینی رابردوودا بە بڕی 32 ملیۆن یۆرۆ لە لیڤەرپوولەوە پەیوەندی بە بایرن میونشنەوە كرد.
گرێبەستەكەی هێرشبەرە سەنیگالییەكە لەگەڵ یانە باڤارییەكە لە هاوینی ساڵی 2025 بەسەردەچێت.
كەمێك پێش ئێستا فابریزیۆ رۆمانۆ رۆژنامەنووسی ئیتاڵی و شارەزا لە بازاڕی گواستنەوەی هاوینەی یاریزانان لە لە تایبەتی خۆی لە تۆڕی كۆمەڵایەتی تویتەر ئاشكرایكرد: سادیۆ مانێ پەیوەندی بە نەسڕەوە دەكات، بایرن پێشنیارەكەی نەسڕی قبوڵكردووە لە دوای گفتوگۆكانی دوێنێی نێوانیان.
ئەوەشی ئاشكرا كرد، ئۆفەرەكە لەلایەن یاریزانەكە وردبینی بۆ دەكرێت و دواتر گرێبەستەكە ئەنجام دەدرێت.
Sadio Mané to Al Nassr, here we go! Deal in place between the two clubs, Bayern have accepted the verbal proposal after advanced talks yesterday 🟡🔵🇸🇦
Paperwork to be checked on player side and then medical will be booked, deal will be done.
Fofana, Brozović, Telles… Mané ⭐️ pic.twitter.com/w0eZqFQxgD
— Fabrizio Romano (@FabrizioRomano) July 28, 2023
نەسڕ لە گواستنەوەكانی هاوینەدا هەریەك لە سیكۆ فوفانا، مارسێلۆ برۆزۆڤیچ، ئەلێكس تێلیسی گواستووەتەوە ریزەكانی.
