یاریگا –
تۆنی كرووس ئەستێرەی هەڵبژاردەی ئەڵمانیا و یانەی ریال مەدریدی ئیسپانی ستایشی ئاستی ئاردا گولەر لاوە نوێیەكەی مەدرید دەكات.
لە گواستنەوەكانی هاوینەدا ئاردا لە ریزەكانی فەنارباخچێی توركیەوە پەیوەندی بە ریزەكانی ریال مەدریدی ئیسپانیەوە كرد، دوای ململانێیەكی زۆر لەگەڵ بارسێلۆنا.
لە لێدوانێكیدا لەگەڵ ماركا كرووس ووتی: پێوویستە بڵێین كە گولەر بەهرەیەكی زۆری هەیە بۆ تەمەنی خۆی، قاچێكی چەپی نایابی هەیە.
بەردەوام بوو وتیشی: لێدانێكی بەهێزی هەیە، لە رووی تەكنیكەوە زۆر باشە، بەتایبەت لە شوێنە بچووكەكاندا دەزانێت كە چۆن دەبێت خۆی رزگار بكات، پێموایە گرێبەستێكی باش و زیرەكانەیە بۆ داهاتوو.
لە درێژەی قسەكانیدا ووتی: دەبێت زۆر وریا بین لەو چاوەڕوانیانەی كە زۆرن، یاریزان هەیە كە لەم یانەدا چاوەڕوانی زۆریان لێ دەكرا بەڵام لە ئاست ئەو چاوەڕوانیەدا نەبوون، شتانێكی تر هەیە كە دیاری دەكەن كە سەركەوتوو دەبێت یان نا، ئەوە تەنیا بابەتی بەهرە و تەكنیك و لێدان نیە.
بەردەوام بوو ووتی: ئەو یەکێکە لەو بەهرەمەندانەی کە دەپرسن، چۆن ئەوە دەكەیت؟ ئەو یارمەتی و ئامۆژگاری دەوێت، هەروەها زۆر یاریزانی تەمەن 18 ساڵ هەن کە پێیان وایە لە ئێستاوە زۆر باشن ، بەڵام زۆر شت هەیە كە نایزانن.
