یاریگا
جۆردان هێندەرسۆن ناوەڕاستکاری هەڵبژاردەی ئینگڵتەرا و یانەی لیڤەرپوول بە شێوەیەکی فەرمی ریزەکانی یانەکەی جێهێشت.
ماڵپەری فەرمی یانەی لیڤەرپوولی ئینگڵتەرا بڵاویکردەوە لەگەڵ یانەی ئیتیفاقی سعودی لەسەر گواستنەوەی ناوەراستکارەکەیان بۆ ئەو یانەیە گەیشتنە رێکەوتن.
هێندەرسۆن دوای 12 سال یاریکردن لە ریزەکانی یانەی لیڤەرپوول، دواجار بڕیاریدا یانەکەی جێبێڵێت و پەیوەندی بە خولی سعودی و یانەی ئیتیفاق بکات، لە ستیڤن جێراردی هاونیشتیمانی راهێنەرایەتی ئەو یانەیە دەکات.
سەرچاوەکانی هەردوو یانە هیچ ئاماژەیەکیان بە تێچووی گواستنەوەکە نەکردووە، بەڵام بە گوێرەی زانیاریەکانی فابریزیۆ رۆمانۆ یانە سعودیەکە 12 ملیۆن پاوەند لەگەڵ پاداشتەکان پێشکەشی رێدز دەکات.
