یاریگا –
ئێدواردۆ كاماڤینگا، ئەستێرەی هەڵبژاردەی فەڕەنسا و یانەی ریال مەدریدی ئیسپانی هیواخوازە یانەكەی سەرجەم نازناوەكان لە وەرزی 2023/2024 بباتەوە.
وەرزی رابردوو ریال مەدرید نازناوەكانی جامی جیهانی یانەكان، جامی شای ئیسپانیا و جامی سوپەری ئەوروپای بردەوە و خولی ئیسپانیای لە بەرژەوەندی بارسێلۆنا لەدەستدا و چامپیۆنزلیگیش لە سەر دەستی مانچێستەر سیتی كرایە دەرەوە.
كاماڤینگا لە لێدوانەكانیدا بۆ تۆڕی بێرنابیۆ دیجیتاڵ ووتی: ئێمە دڵخۆشین كە لە ئەمریكاین، هەموو كات هاندەری مەدڕیدی لێیە، لە هەموو ئەو شارانەی كە نۆی رۆیشتووین، من دڵخۆشم بەوە.
بەردەوام بوو ووتی: تیمێكی نایابمان هەیە بە یاریزانە نوێیەكانەوە، هیوادارم زۆرترین نازناو ببەینەوە، دڵخۆشم كە لێرەم و وەرزێكی نوێم لەگەڵ مەدرید دەسیپێكردووە.
لە كۆتایشدا ووتی: ئێمە تیمێكی لاوین، ساڵانێكی زۆرمان لە پێشە و هەمووان یاریزانی نایابن.
🤯 ¡GOLAZO de chilena!
🔥 @JoseluMato9#RealMadridOnTour pic.twitter.com/799ScABWUj— Real Madrid C.F. (@realmadrid) July 27, 2023
یانە شاهانەكە دووەم یاری ئامادەكاری بردەوە دوای ئەوەی توانیان بە دوو گۆڵی بێڵینگهام و خۆسێلو لە مانچێستەر یونایتد ببەنەوە.
