بازاڕی گواستنه‌وه‌فه‌ره‌نساگرنگترین

لەبارەی ئێمباپێییەوە.. پەیامێکی توند لەلایەن Fifpro بۆ پاریس سانجێرمان

Yariga App

یاریگا –

یەکێتیی یاریزانانی نێودەوڵەتی بە توندی بەرگری لە کیلیان ئێمباپێ دەکات.

فیفپڕۆ ‘Fifpro’ کە یەکێیتییەکی نێودەوڵەتییە لەسەر کەیسی ئێمباپێ هاتە دەنگ، ئەمەش دوای کێشەکانی ئەم دواییەی نێوان ئەستێرە فەرەنسییەکە لەگەڵ پاریس سانجێرمان، دوای ئەوەی کیلیان رەتیکردەوە گرێبەستەکەی نوێ بکاتەوە، ئەمەش وایکرد لە گەشتی ژاپۆن دووربخرێتەوە.

یۆناس بایرهۆفمان، سکرتێری گشتی فیفپڕۆ بە رۆژنامەی تایمزی راگەیاند

ئێمباپێ هەموو مافێکی هەیە بۆ ئەوەی لە دوا ساڵی گرێبەستەکەی یاری بکات. تەنیا خۆی خاوەن بڕیارە بەوەی بۆ کام یانە یاری بکات. ئەمە مافێکی بنچینەیی یاساکانی بۆسمانە. چونکە دەبێ یاریزانان ئزاد بن. یانەکانی رەخنە لە زۆربەی یانە و هاندەران رەخنە لە یاریزانان دەگرن، کاتێک لە کۆتایی گرێبەستەکانیان نزیک دەبنەوە. ئێستا ئێمباپێ بەڕوونی قسەکانی کردووە و پابەندی خۆی بە یاری کردن بۆ پاریس دووپاتکردووەتەوە، کەچی فشارێکی زۆری خراوەتە سەر.

هۆفمان زیاتر باسی وردەکارییەکان دەکات

پاریس سانجێرمان و کیلیان ئێمباپێ لەسەر درێژکردنەوەی گرێبەستەکە بۆ ماوەی دوو ساڵ رێککەوتن. دوای واژۆ کردنی گرێبەستەکە، هەردوولا دەیانزانی دەگەنە رۆژگارێکی ئاوا. کیلیان دووپاتیکردووەتەوە، ئامادەیە تاوەکو کۆتایی گرێبەستەکەی، پابەندی گرێبەستەکە بێت.

چارەنووسی کیلیان کەوتووەتە دۆخێکی زۆر هەستیارەوە و ئێستا لە ئامادەکارییەکانی وەرزی نوێ دوورخراوەتەوە. هەرچەندە ریال مەدرید لەسەرووی یانەکانەوە دێت، بەڵام تاوەکو ئێستا هیچ ئۆفەرێکی پێشکەش نەکردووە و دەیەوێت لە هاوینی داهاتوو، بە خۆڕایی بیگوازێتەوە.

بابەتی زیاتر

Back to top button