یاریزانە نوێیەكەی میلان: چاڤی هەوڵیدا بمگوازێتەوە بارسێلۆنا
یاریگا –
تیانی ریندەرز، یاریزانە نوێیەكەی ئەی سی میلانی ئیتاڵی ئاشكرایكرد، چاڤی هێرناندێز راهێنەری یانەی بارسێلۆنای ئیسپانی هەوڵی داوە بیگوازێتەوە لە گواستنەوەكانی هاوینەدا.
ریندەرز لە بازاڕی گواستنەوەی هاوینەی یاریزاناندا لە یانەێ ئالكەماری هۆڵەندیەوە پەیوەندی بە ئەی سی میلانەوە كرد، بە گرێبەستێك بۆ ماوەی پێنج ساڵ و تا هاوینی 2028.
Superpower 🫵❄#ACMQuest #SempreMilan @T_Reijnders pic.twitter.com/Tl1uh3ohdE
— AC Milan (@acmilan) July 19, 2023
لە لێدوانەكانیدا بۆ رۆژنامەی لاگازێتا دێلۆ سپۆرت یاریزانە هۆڵەندیەكەی میلان ووتی: لەگەڵ چاڤی لە گفتۆگۆدا بووین بۆ پەیوەندیكردنم بە بارسێلۆنا پێش هاتنم بۆ میلان.
بەردەوام بوو ووتی: بۆ من مەحاڵ بوو چونکە پێشتر بڕیارم دابوو پەیوەندی بە ئەی سی میلانەوە بکەم.
ریندەرز لەگەڵ رۆسۆنێری درێسی ژمارە 14 دەپۆشێت.
🚨 Reijnders is Rossonero 1️⃣4️⃣#ACMQuest #SempreMilan @T_Reijnders pic.twitter.com/bwjfIKXppr
— AC Milan (@acmilan) July 19, 2023
راپۆرتە رۆژنامەوانیەكان ئاشكرایانكرد یاریزانە 24 ساڵانەكە بە بەهای 20 ملیۆن یۆرۆ و گۆڕانكارییەكان پەیوەندی بە یانە ئیتاڵیەكەوە كردووە.
