مێسی بە کاپتنی ئینتەر مەیامی دیاریکرا

یاریگا

لیۆنێل مێسی یاریزانی ئارجێنتینایی یانەی ئینتەر مەیامی ئەمریکا یاریی داهاتوو سەرکردایەتی یانەکەی دەکات.

تاتا مارتینۆ راهێنەری یانەی ئەمریکیەکە بڕیاریداوە بۆ یاریی داهاتووی یانەکەی بەرامبەر ئاتلانتا یونایتد لیۆ وەکو کاپتنی یانەکەی دەست نیشان بکات. هەروەها بە پێ زانیاریەکان لیۆ لەم یارییە لە پێکهاتەی سەرەکی دەبێت.

مەیامی چوار شەممەی داهاتوو کاتژمێر 02:30 خولەکی شەو بە کاتی هەولێر لە دووەم یاریی لیگ کاپ لە یاریگای خۆی رووبەڕووی ئاتلانتا یونایتد دەبێتەوە.