فەرمی: مارک بارترا گەڕایەوە بێتیس

یاریگا

مارک بارترا بەرگریکاری ئیسپانی بۆ جاری دووەم گرێبەستی لەگەڵ یانەی ڕیال بیتیس واژۆکرد و گەڕایەوە ئەو یانەیە.

ڕیال بیتیس گرێبەستێکی بۆ ماوەی 1 ساڵ لەگەڵ مارک بارترا واژۆکرد. بەرگریکارەکەی پێشووی بارسێلۆنا و دۆرتمۆند هاوینی ساڵی ڕابردوو لە بیتیسەوە پەیوەندی بە یانەی ترابزۆنسپۆری تورکیاوە کرد و دوای هەڵوەشاندنەوەی گرێبەستەکەی بێبەرامبەر گەڕایەوە بۆ یانەکەی پێشووی.

بارترا 14 جار درێسی هەڵبژاردەی ئیسپانیای لەبەر کردووە، پێشتر بۆ ماوەی نزیکەی چوار ساڵ یاریی بۆ ریال بێتیس کردووە.