هیلال 300 ملیۆن یۆرۆ پێشکەش بە پاریس سانجێرمان دەکات
یاریگا –
بۆ گواستنەوەی کیلیان ئێمباپێ، یانەی هیلال 300 ملیۆن یۆرۆ پێشکەش بە پاریس سانجێرمان دەکات.
رۆژنامەنووس فابریزیۆ رۆمانۆ بڵاویکردووەتەوە، هیلال داوایەکی فەرمی پێشکەش بە پاریس سانجێرمان کردووە بە مەبەسی گفتوگۆکردن لەسەر گواستنەوەی ئێمباپێ بۆ خولی رۆشەنی سعودی.
بەپێی هەواڵەکەی رۆمانۆ، یانە سعودییەکە ئۆفەرێکی 300 ملیۆن یۆرۆیی پێشکەش بە یانە فەڕەنسییەکە دەکات لە پێناو بەدەستهێنانی ئەستێرە لاوەکەی هەڵبژاردەی فەڕەنسا.
EXCL: Al Hilal have submitted formal bid to Paris Saint-Germain in order to open talks for Kylian Mbappé. 🚨🔵🇸🇦
Understand it’s worth €300m — record fee.
No talks on player side.
⚪️ PSG remain convinced that Mbappé already agreed terms with Real Madrid with contract ready. pic.twitter.com/yeDu5AQr6E
— Fabrizio Romano (@FabrizioRomano) July 24, 2023
رۆمانۆ ئاماژەی بەوەش کردووە، کە یانە سعودییەکە تا ئێستا گفتوگۆی لەگەڵ خودی یاریزانەکە نەکردووە، پاریسیش هێشتا پێیوایە کیلیان رێککەوتنی پێشوەختەی لەگەڵ ریال مەدرید کردووە.
ئێمباپێ مانگی رابردوو یانەکەی ئاگادارکردەوە کە بژاردەی نوێکردنەوەی گرێبەستەکەی بۆ ساڵێکی دیکە کارا ناکات و لە هاوینی 2024 پاریس جێدەهێڵیت.
بەڵام قەتەرییەکان رەتیدەکەنەوە بەبێبەرامبەر دەستبەرداری ببن، هەر بۆیە بە فەرمی یاریزانەکەیان خستووەتە لیستی فرۆشتن و رێگەیان نەدا لەگەڵ شاندی یانەکە گەشتی وڵاتی ژاپۆنیش بکات.
هاوکات رۆژنامەی لیکیپ بڵاویکردووەتەوە، پاریس سانجێرمان بە ئۆفەرەکەی هیلال رازییە، سعودیەکان ئێستا دەبێت ئێمباپێ رازی بکەن.
🚨 PSG will ACCEPT Al-Hilal's €300M offer for Kylian Mbappé.
Now they have to convince the player to join the Saudi club.
(Source: @Lequipe) pic.twitter.com/iMmetEV1uI
— Transfer News Live (@DeadlineDayLive) July 24, 2023
