یاریگا –
ئاردا گولەری تورکی بەرامبەر مانچێستەر یونایتد، یەکەم یاری خۆی بە درێسی ریال مەدرید ئەنجامدەدات.
رۆژنامەی مارکا بڵاویکردووەتەوە، کارلۆ ئانچێلۆتی بڕیاریداوە لە یارییە دۆستانەکەی بەرامبەر بە مانچێستەر یونایتد یاری بە ئاردا گولەر بکات، کە ئەو یارییە دەبێت بە یەکەم یاری ئەستێرە تورکییەکە بە درێسی مێرێنگی.
بەرەبەیانی ئەمڕۆ دووشەممە، ریال مەدرید لە یارییەکی دۆستانە بەرامبەر ئەیسی میلان یاریکرد، یارییەکەی بە ئەنجامی سێ گۆڵ بەرامبەر بە دوو گۆڵ بردەوە، کە ڤالڤێردی دوو گۆڵی کرد و ڤینیسیۆسیش گۆڵێک.
❗️ Arda Güler is expected to make his debut against Manchester United. @marca pic.twitter.com/YOfZR9YnIp
— Madrid Xtra (@MadridXtra) July 24, 2023
ئەوەی جێگای سەرنج بوو ئاردا گولەر بەشداری یارییەکەی نەکرد، لەسەر کورسی یەدەگ بوو، بەپێی راپۆرتەکەی رۆژنامەی مارکا، کارلۆ پارێزگاری لە یاریزانەکە کرد و نەیویست بیخاتە مەترسییەوە، بۆیە یاری پێنەکرد.
ئاردا چەند رۆژێک لەمەوبەر لە مەشقەکان تووشی پێکانێکی سوک بوو، بەڵام لە پێکانەکەی چاکبووەتەوە و گرفتی نەماوە، هەر بۆیە ستافی یانەکە بڕیاریاندا لەم یارییە ناوبراو نەخەنە مەترسییەوە.
بەپێی هەمان سەرچاوە، ئانچێلۆتی بەنیازە بەرامبەر مانچێستەر یونایتد یاری بە گولەر بکات، راهێنەرە ئیتاڵییەکە پلانی وایە لە باڵی هێرشبەر یاری پێبکات، هەرچەندە یاریزانەکە دەتوانێت لە ناوەڕاستیش یاری بکات.
Real Madrid's bench tonight 🥶 pic.twitter.com/09SEbhZkGF
— ESPN FC (@ESPNFC) July 24, 2023
یاری داهاتووی ریال مەدرید لە رۆژی پێنجشەممەی داهاتوو دەبێت بەرامبەر بە شەیتانە سوورەکان لە کاتژمێر 3:30 بەرەبایەن بە کاتی کوردستان.
ریال مەدرید لە ئەمریکا بەشداری پاڵەوانێتییەکی دۆستانە دەکات بە بەشداری هەریەکە لە یانەکانی بارسێلۆنا، ئەیسی میلان، یوڤێنتوس، ئارسیناڵ و مانچێستەر یونایتد، کە پاڵەوانێتییەکە لە 23/7 دەستپێدەکات و لە 3/8 کۆتایی دێت.
خشتەی یارییەکانی پاڵەوانێتییەکە:
