مارسێل سابیتزەر پەیوەندی بە بۆڕووسیا دۆرتمۆند کرد

یاریگا –

مارسیل سابیتزەر پەیوەندی بە یانەی بۆڕووسیا دۆرتمۆندی ئەڵمانی کرد.

رۆژنامەنووسی ئەڵمانی فلۆریان پلاتنبێرگ بڵاویکردووەتەوە، مارسێل سابیزتەر بەرەو دۆرتموند بەرێکەوتووە بۆ ئەنجامدانی پشکنینی پزیشکی، لە چەند رۆژێکی داهاتووش پەیوەندی بە شاندی یانەکە دەکات لە ئەمریکا.

پلاتنبێرگ ئاماژەی بەوەشکردووە، تێچووی گرێبەستەکە 19 ملیۆن یۆرۆیە، پاداشتی لەگەڵدا دەبێت، هەروەها گرێبەستەکە تا ساڵی 2027 کارا دەبێت، لەگەڵ مەرجی نوێکردنەوەی بۆ وەرزێکی دیکەش.

لەکاتی چوونی یاریزانە نەمساوییەکە بۆ ئەنجامدانی پشکنینی پزیشکی، لێی دەپرسن هەستت چۆنە کە بایرن میوشن جێدەهێڵێت؟ لە وەڵامدا دەڵێت “نامەوێت لە بارەی جێهێشتنی بایرن هیچ بڵێم”.

یاریزانە 29 ساڵانییەکە لە زستانی رابردوو بەشێوەی خواستن یاری بۆ مانچێستەر یونایتد کرد، شيیتانە سوورەکان گرێبەستەکەیان درێژنەکردەوە و گەڕایەوە میونشن، باڤارییەکانیش بڕیاریاندا لەم هاوینە دەستبەرداریبن.