پاریس سانجێرمان نزیکە لە گواستنەوەی هاری کەین
یاریگا
ماوەیەکە بەرپرسانی یانەی پاریس سانجێرمانی فەرەنسا هەوڵ بۆ گواستنەوەی هاری کەین گۆڵکارەکەی یانەی تۆتێنهامی ئینگڵتەرا دەدەن.
ماتیۆ مۆرێتۆ لە ماڵپەریRelevo بڵاویکردەوە، بەرەبەیانی ئەمڕۆ بەرپرسانی پاریس سانجێرمان و تۆتنهام لەسەر مێزی دانوستان دانیشتوون سەبارەت بە گواستنەوەی هاری کەین، گفتوگۆ سەرەتاییەکانی نێوان هەردوو یانەکەش بە ئەرێنی هەڵسەنگێندراوە، هەرچەندە هێشتا ڕێگایەکی دووری ماوە بۆ ڕێککەوتنی کۆتایی نێوان لایەنەکان، بەڵام ئەنجامی گفتوگۆکانی ئەمڕۆی پاریس سانجێرمان و دانیێل لیڤی هیوایەکی بۆ یانە فەرەنسییەکە دروستکردووە کە بتوانن گۆڵکارە 29 ساڵانەکەی هەڵبژاردەی ئینگلتەرا بگوازنەوە پاریس.
پاریس سانجێرمان دەست و باڵ کراوەیە بۆ ئەوەی نرخی هەڵوەشاندنەوەی گرێبەستی هاری کە 100 ملیۆن پاوەندە پێشکەشی سپێرز بکات.
لەلایەکی لویس ئێنریکی ڕاهێنەری پاریس سانجێرمان ئەمڕۆ جەختی لەوە کردەوە کە تیپەکەی پێویستی بە یاریزانی نوێ هەیە.
ئەم دەنگۆیە لە کاتێکدایە یانەی بایرن میونشنی ئەڵمانیا ماوەیەکی زۆر هەوڵ بۆ گواستنەوەی گۆڵکارەکەی سێ شێرەکان دەدەن و دەنگۆیەکیش هەیە باڤارییەکان لەگەڵ خودی یاریزانەکە رێکەوتون.
