ئێنریکێ: دەبێت چەند یاریزانێک لە تیپەکەمان دوور بخرێنەوە

یاریگا

لویس ئێنریکێ راهێنەری ئیسپانی یانەی پاریس سانجێرمانی فەرەنسا داوای دوور خستنەوەی چەند یاریزانێکی یانەکەی کردووە.

راهێنەرە ئیسپانیەکەی شازادەکان لە کۆنفڕانسێکی رۆژنامەوانی لە ژاپۆن سەبارەت بە بارودۆخی یانەکەی گووتی

هەندێک یاریزان ناچارن دەستبەجێ تیپەکەمان بەجێبهێڵن، هەروەها پێویستمان بە هێزی نوێیە بۆ بەدەستهێنانی پێکهاتەی خوازراومان. یارییە دۆستانەکان بۆ ئامادەکاری وەرزی داهاتوو یارمەتیدەرمان دەبن بۆ بەدەستهێنانی تێگەیشتنێکی باشتر لەوەی کە پێکهاتەی ئێستامان چەندە کاریگەرە

لەو کۆنگرە رۆژنامەوانیە کاتێک رۆژنامەنوسێک پرسیاری چارەنوسی کلیان ئێمباپێ لە لویس ئێنریکێ دەکات، ناوبرا هیچ وەڵامێکی نەدایەوە و تەنها گووتی لە چەند رۆژی داهاتوو هەموو شتێک یەکلایی دەبێتەوە.