یانەیەکی ئەمریکی هەوڵی گواستنەوەی رۆبێرتۆ دەدات

یاریگا

سێرجی رۆبێرتۆ بەرگریکاری یانەی بارسێلۆنا بووەتە ئامانجی یانەیەکی ئەمریکی.

ماڵپەری فتبۆل تۆتال بڵاویکردەوە، یانەیەکی ئەمریکی کە ناوەکەی ئاشکرا نەکراوە ئۆفەرێکی بۆ گواستنەوەی سێرجی رۆبێرتۆ بەرگریکارەکەی بلاوگرانا پێشکەش کردووە.

سەرچاوەکە بڵاویشی کردەوە یانە ئەمریکیەکە دەیەوێت سەرەتای ساڵی داهاتوو رۆبێرتۆ بگوازێتەوە ریزەکانی، چونکە ئێستا لە توانایاندا نیە ئەو یاریزانە بگوازنەوە.

سێرجی رۆبێرتۆ کە بەم دواییە وەکو کاپتنی یەکەمی وەرزی داهاتووی بارسێلۆنا دەست نیشانکراوە، تاوەکو هاوینی ساڵی 2024 گرێبەستی لەگەڵ یانەکەی هەیە.