هۆشدارییەکی توند بە پاریس سانجێرمان دەدرێت

یاریگا –

یەکێتی یاریزانانی فەرەنسا پاڵپشتی کیلیان ئێمباپێ یان کرد لەبەرامبەر ئەو کارانەی لەم دواییە یانەی پاریس سانجێرمان بەرامبەر ئەو یاریزانە ئەنجامیداوە.

ماڵپەڕی ESPN رایگەیاند، هەرچەندە پاریس سانجێرمان دەسەڵاتی خۆی نیشان دا و کیلیان ئێمباپێی لە لیستی گەشتە ئاسیاییەکانی ژاپۆن جێهێشت، بەڵام لە راستی دا بڕیاری نوێنەکردنەوەی گرێبەستی یاریزانەکە و مانەوەی لە چەند هەفتەی داهاتوودا لێکەوتەی جددیتری لێکەوتەوە.

یەکێتیی یاریزانانی فەرەنسی بە لەبەرچاوگرتنی ئەوەی کە یانە پاریسییەکە بە شێوەیەکی باش مامەڵە ناکات و رێگری لە جێبەجێکردنی گرێبەستەکەی ئێمباپێ دەکات، پاڵپشتی خۆیان بەرامبەر ئەو یاریزانەیان دەربڕی.

یەکێتییەکە کە لە فەرەنسا دەسەڵاتی زۆرە، چەند وەرزێک لەمەوبەر بەیاننامەیەکی پاڵپشتی هاوشێوەی بڵاوکردەوە، کاتێک یانەی پاریس بڕیاریدا بە هۆی نوێنەکردنەوەی گرێبەستی ئادریان رابیۆ یاریزانەکە لە تیپەکە دووربخاتەوە.

بەشێک لە بەیاننامەکەی یەکێتی یاریزانانی پیشەگەری تۆپی پێی فەرەنسا بۆ بەرگریکردن لە ئێمباپێ باس لەوە دەکات کە مامەڵەی یانەکە لەگەڵ یاریزانێک کە گرێبەستی هەیە و مووچە وەردەگرێت دادپەروەرانە نییە.

یەکێتییەکە هۆشداری داوە کە هاوشێوەی دۆسیەی یانەکەی رێنس لە ساڵی 2020، ئەم دۆسیەیەش دەتوانێت لێکەوتەی یاسایی هەبێت و هۆشداریشی داوە بە یانەکە لە هەر زۆری لێکردنیک بۆ جیابوونەوە و هەڕەشەی نوێکردنەوەی گرێبەستی ئێمباپێ دوور بکەونەوە.