پاریس چاوەڕێ ئۆفەری چێڵسی یانە سعودیەکان دەکات
یاریگا
یانەی پاریس سانجێرمان دەیەوێت بەلایەنی کەمەوە 100 ملیۆن یۆرۆ لە فرۆشتنی کیلیان مباپێ قەرەبوو بکاتەوە.
ڕۆژنامەی تایمزی بەریتانی بڵاویکردەوە هەفتەی داهاتوو پاریس سانجێرمان دەست بە گفتوگۆ دەکات بۆ فرۆشتنی کیلیان مباپێ، یانەکە پێشبینی دەکات ئۆفەری جۆراوجۆر لەلایەن سعودییەکان و یانەی چێڵسی بۆ هێرشبەرەکەیان بێت.
شازادەکان پێیان وایە ئێمباپێ و ڕیال مەدرید گەیشتوونەتە ڕێککەوتن لەسەر گواستنەوەی بێ بەرامبەر، بەڵام پلانیان هەیە لەم هاوینە یانە شاهانەکە ناچار بکەن 100 ملیۆن یۆرۆ بۆ گواستنەوەی ئامانجەکەیان خەرج بکەن.
ئێمباپێ کەسە نزیکەکانی ئاگادار کردووەتەوە ئامادەیە لە پێناو ئەوەی هاوینی داهاتوو بێ بەرامبەر پەیوەندی بە ریال مەدرید بکات، وەرزی داهاتوو لەسەر کورسی یەدەکی یانەکەی بێت.
ئێمباپێ ساڵی داهاتوو نزیکبوو بێ بەرامبەر پەیوەندی بە ریال مەدرید بکات، بەڵام دواجار بە نێوەندگیری ئیمانوێل ماکرۆن سەرۆکی فەرەنسا گرێبەستەکەی نوێکردەوە.
