ئیتاڵیا
جۆزێپێ رۆسی وازهێنانی لە یاریکردن راگەیاند
یاریگا
جۆزێپێ رۆسی هێرشبەری پێشووی هەڵبژاردەی ئیتاڵیا بە یەکجاری وازهێنانی خۆی لە یاریکردن راگەیاند.
جۆزێپی ڕۆسی لە تۆڕە کۆمەڵایەتییەکان بڵاویکردەوە بڕیاری وازهێنانی لە یاری تۆپی پێ داوە. ئەم هێرشبەرە ئیتاڵییە پێشتر یاریی بۆ یانەکانی مانچستەر یونایتد، نیوکاسڵ، پارما، ڤیاریال، فیۆرێنتینا، لیڤانتی، سێلتاڤیگۆ، جێنەوا، سالت لەیک ئەمریکا کردووە.
یاریزانەکەی پێشووی ئازۆری لە کاروانی وەرزشی خۆی 363 یاری ئەنجامداوە و 132 گۆڵی تۆمارکردووە. ئەم یاریزانە 30 یاری بە درێسی هەڵبژاردەی وڵاتەکەی کردووە و 7 گۆڵی بە درێسی ئازۆری تۆمار کردووە.
