ئه‌مریکاگرنگترین

لێدوانەكانی مێسی لە دوای یەكەم یاری لەگەڵ ئینتەر مەیامی

یاریگا –

لیۆنێل مێسی، ئەفسانەی تۆپی پێی ئەرجەنتینی دڵخۆشی خۆی دەربڕی بە كردنی یەكەم یاری خۆی لەگەڵ ئینتەر مەیامی ئەمریكی.

بەرەبەیانی ئەمڕۆ ئینتەر مەیامی رووبەڕووی كرۆز ئۆزۆل بوویەوە و یارییەكەشی بە دوو گۆڵ بەرامبەر گۆڵێك لێ بردەوە.

لەخولەكی 94 بە لێدانێكی راستەوخۆی نایاب لیۆنێل مێسی لە یەكەم یاری خۆیدا گۆڵی بردنەوەی پێشكەش بە یانەكەی كرد.

ڤیدیۆ: گۆڵە مێژووییەکەی لیۆ مێسی بۆ ئینتەر مەیامی

لە دوای یارییەكە مێسی لە لێدوانەكانیدا بۆ ئەپڵ تی ڤی ووتی: تەنیا سەرنجم لەسەر گۆڵەکە بوو، دەمزانی دەبێت گۆڵ تۆمار بکەم، چونکە دوا هێرشی یارییەکە بوو، نەماندەویست بچینە لێدانی یەكلاكەرەوە.

بەردەوام بوو ووتی: سەرکەوتنێکی گرنگمان بەدەستهێنا، چونکە لە چوارچێوەی پاڵەوانێتیەکی نوێدا بوو، ئەمەش متمانە بەخۆبوون بە تیپەکە دەبەخشێت و پاڵ بە یانەكەوە دەنێت بۆ پێشەوە بڕوات.

لە دوای یارییەكە ئەفسانە ئەرجەنتینیەكە لە هەژماری تایبەتی خۆی لە تۆڕی كۆمەڵایەتی ئینستاگرام نووسیویەتی: بۆ پێشەوە، سەرکەوتنێکی گرنگ و بەنرخمان بەدەستهێنا، ئەم دەستپێکردنە لە جامی خولەکەدا بۆ ئێمە و هاندەرانمان گرنگە.

لەلایەكی دیكەوە دەیڤید بێكهام هاوسەرۆكی یانە ئەمریكیەكە ووتی: كاتێك لێدانە راستەوخۆیەكە درووست بوو هەستێكم هەبوو كە گۆڵ دەكەین، بەتایبەت لە كاتێكدا كە ئەستێرەكانی وەك مێسی و بوسكێتست هەبێت.

بەردەوام بوو ووتی: شەوێکی تایبەت بوو بۆ ئێمە و خێزانەکانمان و هەموو ئەوانەی لە یاریگاکەدا بوون، هەروەها بۆ خولی ئەمریکیش، شانازی بەم ساتانەوە دەکەم.

 

بابەتی زیاتر

Back to top button