کۆتایی هات… کێلیان ئێمباپێ بۆ فرۆشتنە
یاریگا –
بە فەرمی کیلیان ئێمباپێ لەگەڵ پاریس سانجێرمان گەشتی وڵاتی ژاپۆن ناکات.
کەمێک پێش ئێستا پێگەی فەرمی پاریس سانجێرمان، لیستی ناوی 29 یاریزانی یانەکەی بڵاوکردەوە کە لەگەڵ تیپەکە بەرەو وڵاتی ژاپۆن گەشت دەکەن، ناوی کیلیان ئێمباپێ لە لیستەکەدا نابینرێت.
سبەی شەممە 22ـی تەمموز شاندی یانە فەڕەنسییەکە بەرەو ژاپۆن بەڕێدەکەون، بەهۆی یەکلایی نەبوونەوەی داهاتوی ئێمباپێ، پاریس یاریزانەکەی لەم گەشتە دوورخستووەتەوە و لەگەڵ تیپەکە گەشت ناکات.
رۆژنامەنووس فابریزیۆ رۆمانۆ بڵاویکردووەتەوە، کە لەمڕۆوە پاریس سانجێرمان ناوی کیلیان ئێمباپێ دەخاتە بازاڕەوە و یاریزانەکە بۆ فرۆشتن بەردەست دەبێت.
هەر بەپێی قسەکانی رۆمانۆ، یانەکە هەست دەکات ئەستێرە تەمەن 24 ساڵانییەکە دەیەوێت لە 2024 بە بێبەرامبەر بڕوات بۆیە لە گەشتەکەی ژاپۆنیش دوورخرایەوە.
Understand PSG consider Mbappé FOR SALE starting from today. ⚠️ #Mbappé
Paris Saint-Germain feel Kylian Mbappé wants to leave for free in 2024 — he did not communicate anything yet despite Al Khelaifi’s public statement.
PSG decided to EXCLUDE Kylian from Japan tournée. pic.twitter.com/kWvcu1AOzx
— Fabrizio Romano (@FabrizioRomano) July 21, 2023
هەر لە سەرەتاوە پەیامی ناسر خلێفی قەتەری و سەرۆکی یانەکەش بۆ یاریزانە فەڕەنسییەکە ئەوە بووە، یان گرێبەستەکەت نوێدەکەیتەوە یان لەم هاوینە دەتفرۆشین.
ئێمباپێ تا ئێستا رازینەبووە بە نوێکردنەوەی گرێبەستەکەی، بۆیە بە ئەگەرێکی زۆر لەم هاوینە لە پاریس دەڕوات، نزیکترین یانەش لێی ریال مەدریدی ئیسپانییە.
